មកដឹងលក្ខណទិញសំបុត្រចូលទស្សនា Tiger ប៉ះភ្នំពេញក្រោន

2021-02-02 09:46:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពាន FORWARD PRE-SEASON CUP 2021 នឹងចាប់ផ្ដើមប្រកួតថ្ងៃទី៥ និង ទី៧ ខែមករា ឆ្នាំ២០២១ នៅទីលាន Prince របស់វិសាខា ហើយការប្រកួតមិត្តភាពនេះក្រុម Angkor Tiger នឹងប៉ះក្រុម ភ្នំពេញក្រោន វេលាម៉ោង ៧ យប់។

ការប្រកួតនេះមានពីរភេទ ១ ម៉ឺនរៀល និង ៨ ពាន់រៀល ដោយចាប់លក់ថ្ងៃនេះ។ តម្លៃសំបុត្រនេះ គឺអាចទស្សនាបានទាំង ២ប្រកួតតែម្ដង សម្រាប់វគ្គចាប់គូជម្រុះ នៅថ្ងៃទី០៥ ខែកុម្ភៈ ដោយក្លឹបព្រះខ័នរាជស្វាយរៀង ប៉ះ ក្លឹបបាល់ទាត់ វិសាខា វេលាម៉ោង ៣រសៀល និងជំនួប ភ្នំពេញក្រោន ជាមួយ Tiger នាវេលាម៉ោង ៧យប់។

លក្ខខណ្ឌទិញសំបុត្រ និងចូលទស្សនា

សូមភ្ជាប់មកជាមួយនូវលិខិតបញ្ជាក់អត្តសញ្ញាណមួយចំនួន ដូចជាអត្តសញ្ញាណប័ណ្ណ ឬលិខិតឆ្លងដែន (Passport) ឬកាតសិស្ស ឬកាតនិស្សិតជាដើម ។

គោរពនូវវិធានការក្រសួងសុខាភិបាល ត្រូវពាក់ម៉ាស់ អនាម័យ រក្សាគម្លាតសង្គម (ទាំងកន្លែងទិញសំបុត្រ និងអង្គុយទស្សនាការប្រកួត) ពិសេសត្រូវវាស់កម្ដៅ និងបាញ់អាល់កុល ជាមួយម៉ាស៊ីនបាញ់សម្លាប់មេរោគស្វ័យប្រវត្តិ នៅច្រកចូលកីឡដ្ឋានព្រីនស៍ ។ ករណីមានការសង្ស័យ ឬមានអាការៈគ្រុនផ្ដាសាយ ក្ដៅខ្លួន មិនអនុញ្ញាតឲ្យចូលទស្សនាឡើយ៕

អត្ថបទ៖ ស្រី សុវណ្ណដារ៉ា