អ្នកកីឡាកាសដ៏ល្បី សម្រេចកែភេទជានារី តបតាមក្ដីសុបិនប្រចាំជីវិត

2021-02-08 06:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Gabbi Tuft ឬ Gabe Tuft អតីតអ្នកកីឡាកាស ដែលគ្រប់គ្នាស្គាល់ច្បាស់ខាងវាយតប់ហក់ធាក់ ពេលនេះបានកែភេទជានារីហើយ។

កាលនៅជាអ្នកកីឡាកាស Tyler Reks

Gabbi Tuft បានចូលប្រឡូកក្នុងវិស័យកីឡាកាសតាំងពីឆ្នាំ ២០០៩ រហូតដល់ឆ្នាំ ២០១២ ក្រោមឈ្មោះលើរេញថា «Tyler Reks» បានប្រកាសលើគណនី Instagram ផ្ទាល់ខ្លួនកាលពីថ្ងៃសុក្រសប្ដាហ៍មុនថា ខ្លួនបានកែភេទមកជានារីហើយ។

នាងបានសរសេរថា «គួរឲ្យអៀនខ្មាសណាស់ ហើយខ្ញុំក៏លែងលាក់ដែរ។ ជារឿងមួយដែលខ្ញុំកប់យូរមកហើយក្នុងស្រមោលខ្មៅ ភាពភ័យខ្លាច និងកាន់តែគួរឲ្យភ័យនូវអ្វីដែលពិភពលោកគិត ភ័យខ្លាចចំពោះអ្វីដែលគ្រួសារ មិត្តភ័ក្តិ និងអ្នកតាមដានខ្ញុំទាំងអស់និយាយ ឬធ្វើអ្វីមួយមកកាន់ខ្ញុំ។ ខ្ញុំលែងខ្លាចហើយ ហើយខ្ញុំក៏លែងភ័យទៀតដែរ។ ពេលនេះខ្ញុំអាចនិយាយចេញដោយភាព ជឿជាក់ ថាខ្ញុំស្រឡាញ់ អ្វីគ្រប់យ៉ាងដែលជាខ្ញុំ»។

ក្នុង Post នោះ Tuft នៅបានបញ្ជាក់ដែរថា កាលពីខ្ទង់ ៨ខែមុន ជីវិតខ្លួនបានធ្លាក់ក្នុងសភាពខ្មៅងងឹត ជាពិសេសបារម្ភនៅពេលពិភពលោកដឹងថា នាងកែភេទ ហើយព្រួយថា តើនាងត្រូវប្រឈមមុខបែបណាចំពោះពេលវេលាបែបនេះ?

ទោះជាយ៉ាងណា ក្រោយចំណាយពេលសិក្សា និងពិចារណាអស់រយៈពេលជាយូរមកនេះ Tuft ក៏សម្រេចលែងខ្វល់ នូវអ្វីដែលអ្នកផ្សេងគិតមកកាន់ខ្លួន ហើយសំខាន់ទាំងគ្រួសារ មិត្តភ័ក្តិនាងទាំងអស់សុទ្ធតែទទួលយកអ្វីដែលជានាងទាំងអស់ និងបន្ថែមក្ដីស្រឡាញ់កាន់តែខ្លាំង៕