មានជីវិតដូចសព្វថ្ងៃនេះ តើ Kim Soo Hyun ពីមុនជាមនុស្សបែបណាឲ្យប្រាកដ?

2021-02-17 09:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលនឹកដល់មនុស្សភពផ្កាយ គ្រប់គ្នាច្បាស់ជាគិតដល់ Do Min Jun ឬ Kim Soo Hyun មុនគេ។ តាមរយៈរឿងនេះហើយដែលបានធ្វើឲ្យកេរ្តិ៍ឈ្មោះរបស់លោក ហក់ឡើងមួយកម្រិត ហើយជាពិសេសកាន់តែបានលើកលោកឲ្យក្លាយជាកំពូលតារាប្រុសលំដាប់ជួរមុខ ដែលមានសមត្ថភាពរកចំណូលបានច្រើនបំផុត។

តាមរយៈស្នាដៃសិល្បៈកន្លងមក មហាជនពិតជាដឹងច្បាស់ថា Soo Hyun ជាតារាម្នាក់ដែលពូកែ និងមានភាពវៃឆ្លាត ចេះបត់បែនគ្រប់ស្ថានការណ៍មិនថាត្រូវសម្ដែងតួយ៉ាងណាលោកធ្វើបានទាំងអស់។ ចុះក្រៅពីភាពជោគជ័យ និងព័ត៌មានសិល្បៈផ្សេងៗ តើអ្នកស្គាល់អ្វីខ្លះទៀតពី Kim Soo Hyun?

១. Kim Soo Hyun កើតនៅថ្ងៃទី១៦ ខែកុម្ភៈ ឆ្នាំ ១៩៨៨ក្នុងទីក្រុងសេអ៊ូល ប្រទេសកូរ៉េខាងត្បូង។

២. កាលពីនៅក្មេង Soo Hyun ធ្លាប់ជាក្មេងម្នាក់ដែលមិនសូវចេះមាត់ក ជាពិសេសក្នុងចំណោមមនុស្សច្រើន និងចូលចិត្តធ្វើអ្វីតែឯង អៀនច្រើន និងពូកែលាក់អារម្មណ៍ (Introvert) ប៉ុន្តែម្ដាយរបស់លោកបានព្យាយាមជម្រុញ និងលើកទឹកចិត្តលោកឲ្យចូលរៀនថ្នាក់សម្ដែងក្នុងកាលរៀនវិទ្យាល័យ ដើម្បីជម្នះចរិតមួយនេះ។

៣. មុនចូលសម្ដែងជាផ្លូវការ Kim Soo Hyun ធ្វើជាតារាម៉ូដែលខោក្នុង ឲ្យហាងទំនិញអនឡាញរបស់មិត្តភ័ក្តិ។

៤. Soo Hyun ចាប់ផ្ដើមចូលសម្ដែងដំបូង ពេលមានអាយុ ១៩ឆ្នាំ ក្នុងរឿង «Kimchi Cheese Smile» ជាតួរង។

៥. កាលពីឆ្នាំ ២០១០ Soo Hyun បានទទួលការវះកាត់បេះដូង ដោយសារសរសៃឈាម Supraventricular Tachycardia ធ្វើទុក្ខ។ ជំងឺនេះបណ្ដាលឲ្យចង្វាក់បេះដូងមានចង្វាក់លឿន និងដំណើរការមិនល្អ។

៦. ក្នុងអត្ថបទចេញផ្សាយរបស់ Korea Time បានឲ្យដឹងថា KeyEast Entertainment ដែលពេលនោះនៅជាក្រុមហ៊ុនដែលលោកនៅធ្វើការឲ្យនោះ បញ្ជាក់ថា Soo Hyun ធ្លាប់បានដាក់ពាក្យចូលបម្រើការងារនៅ Korea Professional Bowling Association កាលពីខែតុលា ឆ្នាំ២០១៦ ព្រោះលោកពិតជាស្រឡាញ់វិស័យនេះណាស់។

៧. ដោយសារតែ Soo Hyun ជាមនុស្សដែលប្រើដៃឆ្វេង ដូច្នេះលោកហាត់រៀនហាត់លុតដំខ្លួនឯងឲ្យទម្លាប់ក្នុងការប្រើដៃស្ដាំ យោងតាមសាច់រឿង និងតួដែលលោកត្រូវសម្ដែង។ អ្វីដែលកើតចេញពីការខិតខំត្រូវតែបានសម្រេច ព្រោះទីបំផុតលោកអាចប្រើបានទាំងដៃស្ដាំ និងឆ្វេង។

៨. លោកធ្លាប់និយាយក្នុងបទសម្ភាសថា ប្រសិនអព្ភូតហេតុមានពិត លោកចង់ចេះបំបាំងខ្លួន។