អាជ្ញាធរខេត្តកំពង់ឆ្នាំង ប្រតិបត្តិការទាំងយប់នាំអ្នកពាក់ព័ន្ធ ២០កុម្ភៈ មកធ្វើចត្តាឡីស័ក
- 2021-02-24 16:22:33
- ចំនួនមតិ 0 | ចំនួនចែករំលែក 0
អាជ្ញាធរខេត្តកំពង់ឆ្នាំង ប្រតិបត្តិការទាំងយប់នាំអ្នកពាក់ព័ន្ធ ២០កុម្ភៈ មកធ្វើចត្តាឡីស័ក
ចន្លោះមិនឃើញ
អាជ្ញាធរខេត្តកំពង់ឆ្នាំង ចេញទាំងយប់តាមយកមនុស្ស ១០នាក់ ពាក់ព័ន្ធព្រឹត្តិការណ៍ ២០កុម្ភៈ ទៅធ្វើចត្តាឡីស័ក បន្ទាប់ពីចាកចេញពីភ្នំពេញតាមឡានឈ្នួល មកកាន់លំនៅដ្ឋានក្នុងខេត្តវិញ។ នេះបើយោងតាមប្រភពពី សម្ព័ន្ធគ្រូពេទ្យសហភាពសព័ន្ធយុវជនកម្ពុជា ហៅកាត់ UYFC ដែលបានសរសេរនៅលើផេក កាលពីយប់ថ្ងៃទី២៤ ខែកុម្ភៈ ២០២១។
ប្រភពដដែលបានឲ្យដឹងទៀថា អាជ្ញាធរខេត្តកំពង់ឆ្នាំង នៅយប់ថ្ងៃទី២៤ ខែកុម្ភៈ បានចេញដំណើរតាមសាឡាង ដើម្បីតាមយកមនុស្សចំនួន ១០នាក់ ពីស្រុកកំពង់លែង ចំនួន៨នាក់ និងស្រុកបរិបូណ៌ចំនួន ២នាក់ ទៅធ្វើចត្តាឡីស័កឲ្យបានត្រឹមត្រូវ ក្រោយពីពួកគាត់បានចាកចេញពីទីរាជធានីភ្នំពេញ ហើយពាក់ព័ន្ធនៅក្នុងព្រឹត្តិការណ៍ ២០កុម្ភៈ។ បច្ចុប្បន្ននេះ ពួកគេបានយកទៅធ្វើចត្តាឡីស័ក នៅមណ្ឌលស្រុកទឹកផុស ហើយក្រុមក្រុមគ្រូពេទ្យកំពុងធ្វើតេស្តពួកគេ ដើម្បីស្វែងរកកូវីដ១៩ផងដែរ៕