គិតឲ្យដល់ទើបដឹងថា ARMY កូរ៉េ និង ARMY អន្តរជាតិមានចំណុច ១ខុសគ្នាដាច់ស្រឡះ
- 2021-02-25 01:38:00
- ចំនួនមតិ 0 | ចំនួនចែករំលែក 0
គិតឲ្យដល់ទើបដឹងថា ARMY កូរ៉េ និង ARMY អន្តរជាតិមានចំណុច ១ខុសគ្នាដាច់ស្រឡះ
ចន្លោះមិនឃើញ
អ្នកបង្កើត BTS និងផលិតកម្ម Big Hit លោក Bang Si Hyuk បានបង្ហើបការយល់ឃើញមួយទាក់ទងនឹង ARMY (ក្រុមអ្នកគាំទ្រ BTS) អន្តរជាតិ ពិតជាមានភាពខុសគ្នាពី ARMY កូរ៉េឆ្ងាយណាស់។
ស្ថិតក្នុងពេលធ្វើបាឋកថា លោក Bang Si Hyuk បាននិយាយទៅកាន់អ្នកទស្សនាជាច្រើននាក់ពីBTS ថា កាលពីពេលលោកបង្កើតគម្រោងសម្រាប់ BTS និងលើកគំនិត ក៏ដូចជា Concept ថ្មីៗមក លោកមានអារម្មណ៍ថា អ្នកគាំទ្រខាងប៉ែកអឺរ៉ុប ក៏ដូចជាជាជប៉ុនឆាប់ចាប់បាន និងយល់ពីសាច់រឿង ឬអ្វីដែលចង់បង្ហាញបានលឿនខ្លាំង ស្របពេលគិតក្នុងវប្បធម៌កូរ៉េ លោកមានអារម្មណ៍ថាជនជាតិកូរ៉េបែរជាច្រានចោលអ្វីដែលបានបង្ហាញនោះទៅវិញកាលពីដំបូង។
Bang Si Hyuk នៅបានបង្ហើបទៀតថា ខ្លួនទទួលបានមតិត្រឡប់មកវិញច្រើនណាស់ពីជនជាតិកូរ៉េ ដោយពួកគេចង់ឲ្យបង្កើតបទចម្រៀង ឡូយៗ និងក្បាច់រាំពិសេសម្រាប់ Oppa របស់ពួកគេ ជាជាងធ្វើឲ្យពួកគេដែលជាអ្នកគាំទ្រព្យាយាមយល់ពី Concept និងអត្ថន័យបទចម្រៀង។
ជាការប្រៀបធៀបអ្នកគាំទ្រអន្តរជាតិ ឲ្យតម្លៃស៊ីជម្រៅណាស់ចំពោះអត្ថន័យនៃអាល់ប៊ុម «Hwayang Yonghwa Trilogy» ឬ «The most beautiful moment in life» ទាំង៣ភាគរបស់ BTS។ មានទ្រឹស្តី និងសម្រង់គមនិតច្រើនណាស់បង្កើតដោយអ្នកគាំទ្រអន្តរជាតិ ពីវីដេអូ «Hwayang Yonghwa»ដោយលាតត្រដាងបន្ថែមនូវអត្ថន័យសាច់រឿង ប្រកបដោយភាពចាស់ទុំ និងយល់ជ្រៅបំផុត។
នេះគ្រាន់ជាការលើកឡើងត្រួសៗប៉ុណ្ណោះ ព្រោះថាតាមរយៈស្នាដៃកន្លងមករបស់ BTS សុទ្ធសឹងបង្កប់នូវសារខ្លី និងមានន័យមកជាមួយទាំងអស់៕