ដឹងអត់...ឌុច លីដា និយាយយ៉ាងម៉េចខ្លះទៅកាន់អ្នកសិល្បៈនៅហង្សមាសក្រោយរកឃើញជំងឺកូវីដ-១៩?

2021-03-10 02:23:42
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាសម្ដែង និងដើរម៉ូតល្បីឈ្មោះមួយដួង គឺអ្នកនាង ឌុច លីដា បង្ហាញអារម្មណ៍ក្ដុកក្ដួលជាមួយនឹងពាក្យពេចន៍ជាច្រើនទៅកាន់ផលិតករ និងតារាចម្រៀងជួរមុខរបស់ផលិតកម្មរស្មីហង្សមាសដែលបានធ្វើតេស្តវិជ្ជមានជំងឺកូវីដ-១៩ ជាបន្តបន្ទាប់កាលពីថ្ងៃម្សិលមិញ និងថ្ងៃនេះ។

ឌុច លីដា ដែលបាត់មុខពីពិភពសិល្បៈជាង២ឆ្នាំ ពោលគឺចាប់តាំងពីនាងបង្ហាញមុខកូនប្រុសដំបូងរបស់ខ្លួនដោយពុំមានវត្ដមានរបស់ស្វាមីនៅដើមឆ្នាំ២០១៩ បាននិយាយថា ក្នុងនាមនាងជាអ្នកសិល្បៈមួយរូបបានដកឃ្លាមួយរយៈដោយជាប់រវល់នឹងការមើលថែកូន តែនាងនៅស្រឡាញ់សិល្បៈ ជាពិសេសអាណិតបងៗសិល្បករផ្នែក ដឹកនាំសម្ដែង ចម្រៀង សម្ដែង ពិធីករ-ពិធីការិនី និងផ្នែកផ្សេងៗទៀតដែលមានវិជ្ជមានជំងឺកូវីដ-១៩។

ឌុច លីដា៖"ពិតជាគ្មាននណាម្នាក់ចង់ឆ្លងជំងឺកូវីដ-១៩ នោះទេ តែពួកគាត់មិនដឹងខ្លួនឯងផ្ទាល់ថាបានឆ្លងជំងឺនេះ ហើយការឆ្លងនេះកើតចេញពីការបំពេញការងារ និងការជួបសួរសុខទុក្ខគ្នា ដូច្នេះសូមបងប្អូនផ្អាកការជួបជុំ និងផ្អាកកម្មវិធីផ្សេងៗសិន"។

អតីតតារាសម្ដែងរូបនេះ ថានាងពិតជាមានក្ដីបារម្ភខ្លាំងណាស់ចំពោះស្ថានភាពឆ្លង នៃជំងឺកូវីដ-១៩ ហើយនាងក៏បន់ស្រន់សូមឲ្យកម្ពុជាចៀសផុតពីជំងឺផ្លូវដង្ហើមនេះ ជាពិសេសសូមអ្នកអ្នកសិល្បៈគ្រប់ផ្នែកនៅផលិតកម្មរស្មីហង្សមាសដែលមានវិជ្ជមានជំងឺកូវីដ-១៩ ឆាប់បានជាសះស្បើយឡើងវិញ៕

អត្ថបទ៖ ជិន សុភ័ក្ដ្រ