មិនដែលដឹងថា តារាថៃទាំងនេះសុទ្ធតែជាអ្នកជិតខាង ភូមិផងរបងជាមួយគ្នាសោះ

2021-03-10 02:24:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងរង្វង់សិល្បៈ សម្បូរទៅដោយរឿងចៃដន្យជាច្រើនដែលកម្រមានអ្នកដឹង ប៉ុន្តែពេលតារាៗបង្ហើបម្ដងៗ វាបានក្លាយទៅជាអ្វីដែលគួរឲ្យចាប់អារម្មណ៍សម្រាប់អ្នកគាំទ្រ។

ងាកចូលតារាប្រុសស្រីខាងក្រោម គ្រប់គ្នាសុទ្ធតែស្គាល់ច្បាស់ថាជាតារាល្បី ស្ថិតនៅលំដាប់កំពូលប្រចាំប្រទេសថៃ ហើយអ្វីដែលគួរឲ្យភ្ញាក់ផ្អើល គឺថាពួកគេសុទ្ធតែជាអ្នកជិតខាងនឹងគ្នា។

១. Nadech Kugimiya និង Weir Sukollawat

កាលពីពេលដែល Nadech រស់នៅខេត្ត Khon Kaen ផ្ទះរបស់លោកគឹនៅជិតនឹងផ្ទះរបស់រៀមច្បង Weir Sukollawat។ នេះក៏អាចជាមូលហេតុមួយដែលនាំឲ្យអ្នកចាត់ការ A Supachai ជួប Nadech ដោយចៃដន្យ ពេលលោកទៅលេងខេត្តនេះ ស្របពេល ពេលនោះ អ្នកចាត់ការ A គឺជាអ្នកចាត់ការផ្ទាល់របស់ Weir Sukollawat។

២. Mik Thongraya និង Thisa Varitthisa

ជាការពិត Mik និង Thisa បានរួមការងារជាមួយគ្នាក្នុងរឿងថ្មី «Sai Leurd Song Huajai» ហើយតើអ្នកដឹងទេ? អ្នកទាំង ២គឺជាអ្នកជិតខាងនឹងគ្នាទៀតផង។

៣. Ananda Everingham និង Louis Scott Louis Scott បាននិយាយថា លោកបានទៅលេងផ្ទះរបស់ Ananda នៅឈៀងម៉ៃ ហើយដោយសារពេញចិត្តនឹងទេសភាព ព្រមទាំងអាកាសធាតុនៅទីនោះផង Louis ក៏សម្រេចចិត្តទិញផ្ទះមួយខ្នងនៅជិត Ananda ក្នុងតម្លៃ១០លានបាត (ខ្ទង់ ៣២៥ ០០០ដុល្លារ)៕