Jay B ទម្លាយពីភាពលំបាកក្រោយចេញពី JYP និងការតាំងចិត្តធ្វើអ្វីផ្សេងទាន់នៅរស់
- 2021-03-24 03:38:38
- ចំនួនមតិ 0 | ចំនួនចែករំលែក 0
Jay B ទម្លាយពីភាពលំបាកក្រោយចេញពី JYP និងការតាំងចិត្តធ្វើអ្វីផ្សេងទាន់នៅរស់
ចន្លោះមិនឃើញ
ថ្មីៗនេះ Jay B (GOT7) បានបង្ហាញមុខសម្រាប់លេខចេញផ្សាយថ្មីរបស់ទស្សនាវដ្ដី Arena Homme Plus ដែលត្រូវចេញផ្សាយនៅខែមេសាខាងមុខ។
បង្ហាញមុខពេលនេះ Jay B ក៏បានផ្ដល់បទសម្ភាសឲ្យទស្សនាវដ្ដីដែរ ពិសេសលើកពីការសម្រេចចិត្តចេញពី JYP ក៏ដូចជាអនាគតរបស់ GOT7។
«ពួកយើងបានពិភាក្សាគ្នាពីការចាកចេញពីផលិតកម្ម JYP ទាំងអស់គ្នា ហើយធ្វើអ្វីដែលយើងចង់ធ្វើដោយខ្លួនឯង។ ខ្ញុំបានទទួលខុសត្រូវសម្រាប់ដំណើរការ ក្នុងការថតបទថ្មី ហើយយើងបានចេញបទ "Encore" កាលពីពេលថ្មីៗនេះ។ ខ្ញូំមានមោទកភាពខ្លាំង ដែលអាចធ្វើអ្វីថ្មី ខុសពីអ្វីដែលខ្ញុំធ្លាប់ធ្វើពីមុន។ បទថ្មីនេះគឺចង់បញ្ជាក់ថា ពួកយើងអត់បំបែកក្រុមទេ ដូច្នេះនៅជំហានបន្ទាប់ គឺកាន់តែសំខាន់។ នៅពេលយើងចេញពី JYP, CEO Jung Woo បានប្រាប់ខ្ញុំថា "នេះគឺជាកន្លែងដែលស្នាដៃការងារពិតរបស់អ្នកដឹកនាំចាប់ផ្ដើម" ខ្ញុំទទួលស្គាល់ថាសម្ដីនេះគឺជាការពិត»។ Jay B បញ្ជាក់។
ពេលចេញមកធ្វើការផ្ទាល់ដោយខ្លួនឯង ទើបលោកដឹងច្បាស់ថា គ្រប់យ៉ាងមិនស្រួលដូចគិតទេ។ ម្យ៉ាង Jay B ធ្លាប់គិតក្នុងចិត្តថា សមត្ថភាព និងចំណេះដឹងរបស់ខ្លួនក្នុងវិស័យនេះពិតជានៅមានកម្រិត ដូចនេះបើចេញពីផលិតកម្ម លោកអាចជួបរឿងលំបាក ពិបាកជម្នះ ប៉ុន្តែក្រោយមកស្រាប់តែភ្ញាក់ខ្លួនថា បើបន្តនៅក្រោមផលិតកម្មដដែល នោះលោកនឹងកាន់តែមានរឿងពិបាកជាងនេះទៀត។
ជាកិច្ចបញ្ចប់ មេក្រុម GOT7 បានបន្ថែមថា៖ «ខ្ញុំចង់បន្តធ្វើអ្វីដែលបង្កប់សារគ្រប់យ៉ាង ទាន់ខ្ញុំនៅរស់។ ខ្ញុំជឿថាគ្មានជាតិក្រោយទេ ដូច្នេះខ្ញុំព្យាយាមធ្វើអ្វីឲ្យអស់ពីសមត្ថភាពនៅពេលនេះ ទើបខ្ញុំគ្មានការស្ដាយក្រោយ»៕
ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត