នៅភ្នំពេញយើងហ្នឹង! ម៉ាស់ការពារផលិតដោយ LG តម្លៃស្មើនឹងទូរសព្ទមួយគ្រឿង

2021-03-25 08:16:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនបច្ចេកវិទ្យាកូរ៉េខាងត្បូង LG ស្រាប់តែបានបញ្ចេញលក់ម៉ាស់ការពារ ដែលជាផលិតផលថ្មីរបស់ខ្លួនក្នុងអំឡុងពេលរាតត្បាតដោយវីរុសកូវីដ-១៩ ដ៏កាចសាហាវ។ ម៉ាស់ផលិតដោយក្រុមហ៊ុនល្បីឈ្មោះខាងលើនេះ គឺជាប្រភេទម៉ាស់បន្សុទ្ធខ្យល់ មានមកភ្ជាប់ជាមួយតំរងខ្យល់មាននាទីចម្រោះធូលីដីដែលហោះមកប៉ះច្រមុះបានយ៉ាងមានប្រសិទ្ធភាពខ្ពស់ថែមទៀតផង។

ម៉ាស់ដ៏ទំនើបខុសប្លែកពីម៉ាស់ធម្មតាមួយនេះត្រៀមនឹងចរាចរណ៍លើទីផ្សារប្រទេសកម្ពុជា។ កាលពីពេលថ្មីៗនេះ ហាងលក់ទូរសព្ទ សុខ លី នៅភ្នំពេញបានបញ្ចេញឲ្យដឹងនូវតម្លៃរបស់វាគឺ ១៨៩ ដុល្លារ អាចនឹងមានលក់នាពេលឆាប់ៗខាងមុខនេះ។ បើធៀបទៅនឹងស្មាតហ្វូនកម្រិតថវិការ ឬកម្រិតមធ្យមតម្លៃប៉ុណ្ណេះអ្នកអាចយកទូរសព្ទនោះចេញពីហាងបានមួយគ្រឿងមកប្រើបានយ៉ាងរំភើយ ចុះអ្នកទាំងអស់គ្នាវិញចង់សាកល្បងពាក់ម៉ាស់នេះឬអត់? សូមទស្សនារូបភាពខាងក្រោម៖