បញ្ជាដោយសំឡេង ប្រើឲ្យឆ្នាំងដាំបាយខ្លួនវា (មានវីដេអូ)

2021-03-26 05:39:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំងដាំបាយដ៏សែនឆ្លាតមួយឈ្មោះមានផ្លូវការហៅថា Instant Pot បំពាក់ដោយ បច្ចេកវិទ្យា Smart Wi-Fi pressure ត្រូវបានគេផលិតបានជោគជ័យនិងដាក់ឲ្យដំណើរការជាមួយនឹងជំនួយការឆ្លាតវៃ ដោយប្រើសំឡេងបញ្ជា Google Assistant ។ ឆ្នាំងបាយនេះ គឹជាផលិតផលសម្ភារៈផ្ទះបាយលំដាប់លេខ ១ មកពីសហរដ្ឋអាមេរិក។

ឆ្នាំងដាំបាយ Instant Pot Smart-WiFi ជំនាន់ទី ១

ឆ្នាំងនេះមានតម្លៃ ១៤៩ ដុល្លារ អាចឲ្យអ្នកប្រើប្រាស់បញ្ជាវាផ្ទាល់ដោយប្រើសំឡេងបាន មានន័យថា បើចង់ចម្អិនអ្វីមួយក្នុងឆ្នាំងហើយគ្រាន់តែនិយាយពាក្យថា "Hey Google” ដើម្បីដាស់ Google Assistant ឲ្យវារង់ចាំស្ដាប់សំឡេងអ្នកបញ្ជា រួចមកឲ្យឆ្នាំងដាំបាយឆ្លាតវៃនោះធ្វើអ្វីតាមអ្នកប្រាប់។

អ្នកក៏អាចបញ្ជាឆ្នាំងដាំបាយនេះឲ្យដំណើរការដោយស្វ័យប្រវត្តិ ហើយថែមទាំងអាចកំណត់ពេលរយៈពេលចម្អិន និងមុខងារផ្សេងៗទៀត ដូចជា ចំហុយម្ហូប ជាដើម។

តាមពិតទៅ Instant Pot កាលពីមុនមានមុខងារបញ្ជាឆ្នាំងដាំបាយនេះ តាមទូរសព្ទរួចមកហើយដែលក្រុមហ៊ុនភ្ជាប់តាមកម្មវិធី Instant Pot mobile app ប៉ុន្តែដើម្បីឲ្យអ្នកប្រើប្រាស់កាន់តែមានភាពងាយស្រួល។ ឆ្នាំងបាយជំនាន់ចុងក្រោយផលិតនៅឆ្នាំ ២០១៩ នេះភ្ជាប់មកស្រាប់ជាមួយមុខងារ Google Assistant ដាក់លើឆ្នាំងឆ្លាតវៃនេះតែម្ដងទៅ៕

សូមទស្សនាវីដេអូខាងក្រោម៖

ប្រភព៖ Cnet ប្រែសម្រួល៖ រក្សា