អស្ចារ្យណាស់! តារាក្បាច់គុន សំ ថារ័ត្ន កំពុងថតកុន Hollywood ជួបសុទ្ធតារាល្បីពិភពលោក

2021-03-29 04:27:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីល្បុក្កតោ និងគុនខ្មែរ សំ ថារ័ត្ន អស្ចារ្យណាស់កំពុងថតកុន Hollywood ជាមួយតារាល្បីៗលើពិភពលោកដូចជា Jennifer Lopez ជាដើម។

សំ ថារ័ត្ន (ហ្វេសបុក ថារ័ត្ន)

នេះបើតាមការបង្ហោះលើហ្វេសបុករបស់ សំ ថារ័ត្ន បានបញ្ជាក់ថា អំឡុងថ្ងៃទី២៦ រូបគេបានថតឈុតវ៉ៃតបរួចរាល់ហើយ នៃខ្សែភាពយន្តយន្ត Hollywood មួយដែលមានសុទ្ធតែតារាល្បីរបស់ពិភពលោកផង។ បើទោះជាលើកទី១ របស់ខ្លួនក្ដី យ៉ាងណាការថតនេះដំណើរការទៅក៏ដូចជាបញ្ចប់យ៉ាងរលូន និងមានការសរសើរពីគ្រប់ក្រុមការងារផងដែរ។

សំ ថារ័ត្ន (ហ្វេសបុក ថារ័ត្ន)

កីឡាការិនីក្បាច់គុនខាងលើនេះបន្ថែមទៀតថា បើទោះជាឈុតតូចតាចនៃរឿងរបស់ Hollywood ក្ដី ប៉ុន្តែវាធំ និងអស្ចារ្យសម្រាប់ខ្លួន។ ឈុតដែលថតរួចហើយនោះក៏ជាឈុតគ្រោះថ្នាក់បំផុតដែលខ្លួនមិនធ្លាប់ថតពីមុនដែរ។ អ្វីដែល ថារ័ត្ន សប្បាយចិត្តបំផុតនោះគឺធ្វើបានល្អ និងរលូនដោយមិនមានបញ្ហាធំដុំ ថែមទាំងទទួលបានការចាប់អារម្មណ៍ក៏ដូចជាអរគុណចំពោះការខំប្រឹងអស់ពីសមត្ថភាពហើយបានល្អបែបនេះ។

សំ ថារ័ត្ន (ហ្វេសបុក ថារ័ត្ន)

រំលឹកដែរថា សំ ថារ័ត្ន ជាកីឡាការិនីក្បាច់គុនល្បុក្កតោ និង គុនខ្មែរ ហើយកន្លងទៅរូបគេធ្លាប់ថតរឿងជាច្រើនផងដែរដូចជា The First They Kill My Father ដែលដឹកនាំដោយអ្នកស្រី Angelina Jolie និងរឿង ការពារឧក្រិដ្ឋជន Jailbreak ជាដើម។ ចំពោះរឿងថ្មីដែលកំពុងថតនេះ សំ ថារ័ត្ន មិនបានបញ្ចេញឈ្មោះ និងរូបភាពទេព្រោះខុសគោលការណ៍របស់គេ។ ដោយដឹងត្រឹមថាកីឡាការិនីរបស់ខ្មែររូបនេះថតជាមួយ លោក Armie Hammer អ្នកស្រី Jennifer Lopes និងតួសំខាន់ៗមួយចំនួនទៀត។ យ៉ាងណាគេឃើញមានហ្វេសបុកមួយបានបង្ហោះចំណងជើងទាក់ទងនិងរឿងដែលកំពុងថតនេះមានឈ្មោះ «SHOTGUN WEDDING » ផងដែរ៕

អត្ថបទ៖ នួន ស៊ីណា