បែកធ្លាយ ដួង វីរៈសិទ្ធ ចេញបទថ្មី បន្ទាប់ពីបទ"ឆ្នេរអនុស្សារ"ទទួលបានការទស្សនា ឬស្ដាប់ជាង១លានដង

2021-04-07 03:35:12
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប្រុសសំឡេងផ្អែមពីរោះ ដួង វីរៈសិទ្ធ គ្រោងចេញបទចម្រៀងថ្មី១បទទៀតនៅក្នុងផលិតកម្ម"រាម" បន្ទាប់ពីបទទី១របស់លោកនៅក្នុងផលិតកម្មនេះ គឺបទ"ឆ្នេរអនុស្សារ" បានបង្ហោះនៅលើបណ្ដាញសង្គមYoubube ត្រឹមតែរយៈពេល១ខែ ទទួលបានអ្នកចូលទស្សនា ឬស្ដាប់រហូតដល់ទៅជាង១លានដង។

ប្រភពច្បាស់ការមួយបានទម្លាយថា បន្ទាប់ពីជោគជ័យលើបទ"ឆ្នេរអនុស្សារ" ដួង វីរៈសិទ្ធ គ្រោងចេញបទមនោសញ្ចេតនាថ្មីមួយបទទៀតដែលគេជឿថាបទថ្មីនេះ នឹងទទួលបានការគាំទ្រច្រើនរហូតដល់មានអ្នកខ្លះយកបទលោកទៅដាក់បង្ហោះបន្ដនៅលើបណ្ដាញសង្គមYoutube និងaTik Tok ឡើងព្រោងព្រាត។

ជុំវិញដំណឹងបែកធ្លាយនេះ តំណាងផលិតកម្ម"រាម" ទទួលស្គាល់ថា ផលិតកម្មពិតជាត្រៀមចេញបទមួយរបស់តារាចម្រៀង ដួង វីរៈសិទ្ធ ក្នុងពេលឆាប់ៗនេះមែន ហើយតារាចម្រៀងរូបនេះក៏មានបទចម្រៀងពីរោះៗជាច្រើនទៀតដែរដើម្បីទាញយកចំណាប់អារម្មណ៍ពីប្រិយមិត្ត។

ដួង វីរៈសិទ្ធិ ត្រូវគេរំពឹងថានឹងមានសន្ទុះកាន់តែខ្លាំងក្នុងសិល្បៈតាមរយៈការចាប់យកឱកាសជាតារាចម្រៀងនៅក្នុងផលិតកម្ម"រាម" ហើយលោកក៏មានឱកាសច្រើនក្នុងការចាប់ដៃគូច្រៀងជាមួយតារាចម្រៀងស្រី មាស សុខសោភា នៅថ្ងៃអនាគតដែរ។

បទ"ឆ្នេរអនុស្សារ" របស់លោក នៅតែស្ដាប់ទៅពិរោះ អន្លង់អន្លោច ហើយថែមទាំងមានគេសរសើរថា កាន់តែស្ដាប់កាន់តែមានរសនិយម និងទាក់ទាញអារម្មណ៍មិនចេះជិនណាយបើទោះជាស្ដាប់ច្រើនដងហើយក្ដី៕

អត្ថបទ៖ ជិន សុភ័ក្ដ្រ