កាន់តែច្បាស់! លៀក លីដា ថាបណ្ដាញរបស់លោកនៅភូមាប្រាប់ថា Paing Takhon ត្រូវចាប់ខ្លួនមែន

2021-04-08 05:27:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាងហ្វាងផលិតកម្ម អិល ឌី លោក លៀក លីដា ហូបបាយព្រឹកលេងចូល ក្រោយពីទទួលដំណឹងថា តួឯកប្រុសក្នុងរឿង"នាឡិកាដាស់វិញ្ញាណ"របស់លោក គឺលោកPaing Takhon ត្រូវបានចាប់ខ្លួនដោយរបបយោធាភូមានៅព្រឹកថ្ងៃទី៨ ខែមេសា នេះ។

លោក លៀក លីដា ប្រាប់Sabay នៅមុននេះបន្តិចថា វាជាការពិតដែលតួឯកប្រុសក្នុងរឿងរបស់លោកត្រូវបានគេចាប់ខ្លួន ព្រោះក្រុមការងាររបស់លោកម្នាក់ដែលរស់នៅប្រទេសភូមា ហើយស្និទ្ធនឹងPaing Takhon បានបញ្ជាក់ប្រាប់លោកនូវដំណឹងដ៏សោកសៅនេះ។

លៀក លីដា៖"ខ្ញុំមិនអាចប្រាប់ឈ្មោះអ្នកឆ្លើយឆ្លងសារជាមួយខ្ញុំបានទេ ព្រោះទាក់ទងនឹងសុវត្ថិភាព តែដំណឹងនេះពិតហើយ...ក្រុមយោធាដាក់កម្លាំងចាំចាប់ Takhon នៅផ្ទះ ពេលគាត់មិនស្រួលខ្លួនហើយត្រឡប់មកសម្រាកនៅផ្ទះ"។

ចាងហ្វាងផលិតកម្ម និងជាអ្នកដឹកនាំរឿង"នាឡិកាដាស់វិញ្ញាណ" លោក លី ដា បានបង្ហាញអារម្មណ៍ក្ដុកក្ដួល និងអាណិតជាពន់ពេកចំពោះតារាសម្ដែងប្រុសជនជាតិភូមា គឺលោក Paing Takhon ។ លោកក៏អំពាវនាវសុំអន្ដរាគមន៍លើករណីនេះដែរ ដោយលោកបានបង្ហោះសារនៅព្រឹកនេះថា"ឯណាទៅកងសន្តិសុខ នៃអង្គការសហប្រជាជាតិ? សូមជួយប្រទេសភូមាផង"៕

អត្ថបទ៖ ជិន សុភ័ក្ដ្រ