គ្រោះធំមិនខាន អ្នកចូលចិត្តសាកទូរសព្ទទុកក្រោមខ្នើយ

ព្រហស្បតិ៍, 8 មេសា 2021 10:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងទៅមានករណីគ្រោះថ្នាក់ជាច្រើនដែលបង្កដោយសារការសាកថ្មទូរសព្ទចោលអំឡុងពេលចូលដំណេក ហើយក្នុងហេតុការណ៍ខ្លះអ្នកប្រើប្រាស់រមែងទុកទូរសព្ទចោលនៅក្រោមភួយឬខ្នើយ។ ពិតមែនទេដែលបញ្ហានេះអាចអាចបង្កគ្រោះថ្នាក់ដល់អាយុជីវិត?

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

បង្ហោះផ្សាយចេញពីទំព័រហ្វេសប៊ុកនាយកដ្ឋានពន្លត់អគ្គិភ័យប្រចាំទីក្រុង Newton រដ្ឋ New Hampshire សហរដ្ឋអាមេរិក បានក្រើនរំលឹកដល់ពលរដ្ឋថា ការសាកថ្មទូរព្ទនៅលើគ្រែ ជាពិសេសទុកក្រោមខ្នើយ ពិតជាអាចឈានដល់អគ្គិភ័យកើតឡើងពិតមែន ។

ប្រភពបានសង្កត់ធ្ងន់ថា៖ "ដោយកត្តាកម្តៅនៃខ្សែសាកឬឧបករណ៍បានកើនឡើងកាន់តែខ្លាំង ព្រោះពុំមានទីតាំងបញ្ចេញខ្យល់គ្រប់គ្រាន់ លទ្ធផលនឹងធ្វើឲ្យខ្នើយឬគ្រែត្រូវភ្លើងឆេះ"។

ការបកស្រាយក្រោយការស្រាវជ្រាវរកឃើញថា ពាក់កណ្តាលនៃកុមារនិងយុវវ័យ ច្រើនសាកថ្មទូរសព្ទចោលនៅលើគ្រែ ហើយមាន ៣៨ ភាគរយ បាននិយាយថាទូរសព្ទដែលសាករមែងទុកចោលនៅក្រោមខ្នើយចោលមួយយប់ពេញ។

ពុំមែនជាលើកទីមួយនោះទេ ដែលទូរសព្ទអាចសម្លាប់មនុស្សបាន ក្រៅពីនោះក៏បង្កបញ្ហាចុកក, ឈឺក្បាល, បញ្ហាចូលដំណេកមិនលក់ និងរីករាលដាលមេរោគបាក់តេរី សុទ្ធសឹងជាប៉ះពាល់ដល់បញ្ហាសុខភាពផ្លូវកាយ។ ចំពោះផ្លុវចិត្ត ការប្រើប្រាស់ទូរសព្ទក៏ធ្វើឲ្យអារម្មណ៍មនុស្សមានភាពតានតឹង ជារោគសញ្ញានៃការញៀនប្រើប្រាស់ជ្រុលហួសកម្រិត៕

ប្រភព៖ bustle ប្រែសម្រួល៖ កៅ រក្សា