អាណិត តាំង ពិសី កំពុងពេញល្អផង ឥឡូវសម្រាកទៀតបាត់
- 2021-04-09 02:31:23
- ចំនួនមតិ 0 | ចំនួនចែករំលែក 0
អាណិត តាំង ពិសី កំពុងពេញល្អផង ឥឡូវសម្រាកទៀតបាត់
ចន្លោះមិនឃើញ
ខ្សែការពារ តាំង ពិសី ដែលកំពុងតែបង្ហាញសមត្ថភាពលេចធ្លោខ្លាំងដើមរដូវកាល ដោយបង្ហាញខ្លួនបាន៣ប្រកួតរកបានពីរគ្រាប់ និងបញ្ជូនបាល់ឲ្យមិត្តរួមក្រុមបានមួយគ្រាប់ ត្រូវសម្រាកយ៉ាងតិចមួយខែកន្លះ ក្រោយប៉ះទង្គិចកាលជួយ Tiger ឲ្យឈ្នះទ័ព ៣-២ កាលជំនួបសប្ដាហ៍ទី៣ របស់ Angkor Tiger ។
ក្រោយពេលថតនៅមន្ទីរពេទ្យមួយកន្លែងក្នុងក្រុងភ្នំពេញកាលពីរសៀលម្សិលមិញនេះ តាំង ពិសី បានឲ្យដឹងថា ខ្លួនត្រូវគ្រូពេទ្យប្រាប់ឲ្យសម្រាកយ៉ាងតិច១ ខែកន្លះ ដើម្បីព្យាបាលរបួសរលាកសរសៃពួរជើងផ្នែកខាងក្រោយ។ បច្ចុប្បន្នកន្លែងរបួសរបស់គេមិនបានបង្កការឈឺចាប់អ្វីធ្ងន់ធ្ងរឡើយ ប៉ុន្តែដាច់ខាតត្រូវតែសម្រាកព្យាបាលឲ្យបានត្រឹមត្រូវតាមវេជ្ជបញ្ជារបស់គ្រូពេទ្យ។
រំលឹកថា តាំង ពិសី បានរបួសដាច់សរសៃ ACL កាលពីឆ្នាំមុនពេញមួយរដូវកាលមិនបានលេង ប៉ុន្តែបង្ហាញខ្លួនមកវិញដើមរដូវកាលនេះមិនត្រឹមតែមិនធ្លាក់ទម្រង់លេង បែជាបង្ហាញឲ្យមហាជនមើលឃើញថា គេកាន់តែល្អជាងរដូលមុនទៅទៀត។ ប្រកួតមុននេះ ខ្សែការពារខាងលើមិនបានជួយក្រុមទេ ប៉ុន្តែ Tiger បានយកឈ្នះប៉ូលិស១-០ ដើម្បីកាន់កាប់កំពូលតារាងបណ្ដោះអាសន្ន ដោយមាន ១០ ពិន្ទុក្នុងចំណោម ៤ ប្រកួតដោយឈ្នះ៣ និងស្មើ១ផងដែរ៕