មុននេះ ឆន សុវណ្ណរាជ បានចាក់វ៉ាក់សាំងលើកទី១ហើយ ខណៈតារាល្បីៗជាង១០រូបផ្សេងទៀតក៏ចាក់រួចដែរ

2021-04-09 07:27:38
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅរសៀលថ្ងៃទី៩ ខែមេសា នេះ តារាចម្រៀងជួមុខរបស់ផលិតកម្មហង្សមាសម្នាក់ គឺលោក ឆន សុវណ្ណរាជ បានទៅទទួលវ៉ាក់សាំងលើកទី១ហើយ ខណៈដែលតារាចម្រៀង ឱក សុគន្ធកញ្ញា និងតារាល្បីៗជាង១០នាក់ ក៏បានទទួលវ៉ាក់សាំងដែរនៅក្នុងយុទ្ធនាការចាក់វ៉ាកសាំងទូទាំងប្រទេសដែលចាប់ផ្ដើមពីថ្ងៃទី១ ខែមេសា មកនោះ។

តារាចម្រៀងរូបនេះបានទៅទទួលការចាក់វ៉ាក់សាំងSinopharm នៅមន្ទីរពេទ្យបង្អែកដង្កោ រាជធានីភ្នំពេញ។ លោកថា សូមអគុណដល់បងប្រុស ឡុង សត្យា និងលោកគ្រូពេទ្យ និងអ្នកគ្រូពេទ្យស្អាតៗទាំងអស់គ្នា ចំពោះការស្រឡាញ់ និងយកចិត្តទុកដាក់ បើទោះបីជាហត់នឿយក៏នៅតែរួសរាយរាក់ទាក់។

ក្នុងយុទ្ធនាការចាក់វ៉ាក់សាំងនៅទូទាំងប្រទេសនេះ គេក៏ឃើញតារាសម្ដែង និងចម្រៀងល្បីៗជាង១០នាក់ផ្សេងទៀតបានទៅទទួលវ៉ាក់សាំងនេះដែរ ដោយភាគច្រើន នៃសិល្បករ-សិល្បការិនីទាំងនេះបានទៅទទួលនៅទីតាំងរៀបចំ នៃក្រសួងព័ត៌មាន និងនៅក្រសួងវប្បធម៌ និងវិចិត្រសិល្បៈ។

តារាចម្រៀង និងសម្ដែងល្បីៗទាំងជាង១០ដួងនោះ រួមមាន៖

១/តារាចម្រៀងហង្សមាស ឱក សុគន្ធកញ្ញា និងស្វាមី បានទទួលវ៉ាក់សាំងលើកទី១ នៅក្រសួងព័ត៌មាន។ ២/តារាចម្រៀង ឈិន រតនៈ ៣/តារាសម្ដែង ឌុច លីដា ៤/តារាសម្ដែង ពៅ លីដា ៥/តារាសម្ដែង ឈិន មុន្នីនាថ៦/តារាសម្ដែង សុខ សានី ៧/តារាចម្រៀង គឹម មួយ ៨/តារាចម្រៀង ពេជ្រ សូលីកា ៩/តារាសម្ដែង គង់ ចាន់ស្រីមុំ ១០/តារាសម្ដែង និងជាពិធីករ ប៉ែន ចំរុង៕

អត្ថបទ៖ ជិន សុភ័ក្ដ្រ