ស្តេចកុំព្យូទ័រលឿនដាច់គេក្នុងលោក មិនមែននៅអាមេរិកហើយក៏មិនមែននៅចិន

2021-04-11 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសជប៉ុន ត្រូវបានក្រុមអ្នកជំនាញផ្នែកវិទ្យាសាស្រ្តកុំព្យូទ័រចាត់ថាជា ប្រទេសលេខ១លើលោក បន្ទាប់ពីផលិតបាននិងកំពុងប្រើប្រាស់កុំព្យូទ័រកម្លាំងខ្លាំងបំផុតមានឈ្មោះឲ្យថា Fugaku បានជាប់ក្នុងបញ្ជីចំណាត់ថ្នាក់ល្បឿនលឿនដាច់គេក្នុងចំណោម Supercomputer កំពូលទាំង ៥០០ ។

កុំព្យូទ័រកម្លាំងខ្លាំងដាច់គេ Fugaku

Fugaku កំពុងដំណើការនៅទីក្រុង Kobe ប្រទេសជប៉ុន ការផលិតរវាងក្រុមហ៊ុន Riken និង Fujitsu។ Fungaku មានល្បឿន ៤១៥,៥ Petaflop ក្រោមការធ្វើតេស្តផ្នែក Top500 HPL ដែលលឿនជាង Summit ប្រមាណ ២,៨ ដងឯណោះ បើធៀបនឹងល្បឿន Summit នេះធ្លាប់ជាអតីត Supercomputer ល្បឿនលឿនដាច់គេពីមុនមក។ នេះគឺជាលើកដំបូងដែលកុំព្យូទ័រប្រើប្រាស់ ARM Processor ស្ថិតនៅតំណែងកំពូលនៃបញ្ជី។

Fugaku កំពុងដំណើការនៅជប៉ុនសហការដោយ ក្រុមហ៊ុន Riken និង Fujitsu

កន្លងមកជាង ១០ ឆ្នាំមកនេះតំណែងលេខ ១ ខាង Supercomputer លឿនជាងគេធ្លាប់តែកាន់កាប់ឆ្លាស់គ្នា បើមិនមែនរបស់សហរដ្ឋអាមេរិក ច្បាស់ជារបស់ប្រទេសចិន ដូច្នេះ តំណែងកំពូលនេះក៏ជាលើកដំបូងសម្រាប់ជប៉ុន អាចបំបែកកំណត់ត្រាបាន។

Fugaku នឹងចាប់ផ្ដើមធ្វើប្រតិបត្តិការពេញលេញនៅឆ្នាំ ២០២១ ។ បច្ចុប្បន្នគេបានប្រើប្រាស់វាសម្រាប់ការស្រាវជ្រាវសាកល្បងលើជំងឺកូវីដ១៩ រួមមានការធ្វើរោគវិនិច្ឆ័យប៉ាន់ស្មានពីការសាយភាយនៃជំងឺ និងប្រសិទ្ធភាពនៃកម្មវិធីតាមដានជំងឺកូវីដ១៩ នៅក្នុងប្រទេសជប៉ុនថែមទៀតផង។