McTominay៖ វាពិតជាអយុត្តិធម៌ណាស់សម្រាប់ Man Utd
- 2021-04-12 07:09:48
- ចំនួនមតិ 0 | ចំនួនចែករំលែក 0
McTominay៖ វាពិតជាអយុត្តិធម៌ណាស់សម្រាប់ Man Utd
ចន្លោះមិនឃើញ
ខ្សែបម្រើ Scott McTominay បាននិយាយថា វាពិតជាអយុត្តិធម៌ដែលគ្រាប់បាល់របស់ Edinson Cavani នៅវគ្គទីមួយត្រូវបានបដិសេធ ក្នុងជំនួប Manchester United ឈ្នះ ៣-១ លើ Spurs។
ខ្សែប្រយុទ្ធសញ្ជាតិអ៊ុយរុយហ្គាយបានទម្លុះសំណាញ់នាទី៣៣ ជួយបិសាចក្រហមនាំមុខ ប៉ុន្តែអាជ្ញាកណ្ដាលបានសម្រេចឲ្យបាល់នេះមិនចូលវិញ បន្ទាប់ពីរកឃើញកំហុស McTominay បង្កលើ Son Heung-min។
យ៉ាងណាមិញនៅវគ្គទីពីក្រុមលោក Ole Gunnar Solskjaer អាចរកបានដល់ទៅ៣គ្រាប់ជាប់គ្នាធ្វើបានដោយ Fred, Cavani និង Mason Greenwood ជួយ United ឈ្នះ ៣-១។ ក្រោយពីបញ្ចប់ការប្រកួត McTominay ហាក់មានក្ដីសោកស្ដាយសម្រាប់គ្រាប់បាល់ដំបូងរបស់ Cavani នៅវគ្គទីមួយ។
McTominay បានលើកឡើងថា វាជាគ្រាប់បាល់ចូលច្បាស់ណាស់ អាជ្ញាកណ្ដាលបានសាងកំហុសមួយក្នុងការប្រកួត ប៉ុន្តែគ្រប់គ្នាសុទ្ធតែធ្លាប់សាងកំហុសក្នុងជីវិត។ គ្មានពាក្យអ្វីត្រូវនិយាយឡើយ។ សម្រាប់ United វាពិតជាអយុត្តិធម៌ណាស់ ប៉ុន្តែក្រុមបានបន្តលេងរហូតដល់ចប់ការប្រកួត៕