Ole និយាយត្រង់ៗថា Man Utd ចង់បន្តកុងត្រាថ្មីជាមួយ Cavani

2021-04-12 12:43:52
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ole Gunnar Solskjaer អ្នកចាត់ការក្លឹប Manchester United បាននិយាយក្រោយឈ្នះប្រកួត Tottenham Hotspur ក្នុងថ្ងៃនេះថា ក្លឹបលោកចង់បន្តកុងត្រាថ្មីជាមួយ ខ្សែប្រយុទ្ធ Edison Cavani ។

លោក Solskjaer បាននិយាយថា៖" ពួកយើងធ្លាប់បាននិយាយទល់មុខគ្នារួចរាល់ហើយជាមួយ Cavani ។ រឿងនេះគ្មានអ្វីលាក់បាំងទេ យើងបញ្ជាក់ច្បាស់ហើយថា យើងចង់ឲ្យគេនៅជាមួយយើងបន្តទៀត ព្រោះឥឡូវនេះយើងដឹងស្រាប់ហើយ វាជាពេលពិបាកសម្រាប់មនុស្សគ្រប់គ្នា "។

លោកបានបន្តថា៖" ក្នុងពេលកូវីដនេះ យើងពិបាកទៅណាណាស់។ អញ្ចឹងគេដឹងច្បាស់ណាស់។ ខ្ញុំដឹងគេមិនមានបទពិសោធន៍ល្អជាមួយយើងទេ ខ្ញុំយល់ថាគេចង់បានអី។ តែយ៉ាងណា យើងចង់ឲ្យគេនៅជាមួយយើងទៀត។ យើងចង់បានគេមានសមត្ថភាពដូចប្រកួតថ្ងៃនេះអញ្ចឹង។ ឥឡូវមានតែចាំមើលទាំងអស់គ្នាទេ "។

Cavani បានមកលេងឲ្យ Man Utd តាំងពីដើមរដូវកាលនេះមក ដោយចូលរួមលេងបាន ២៩ប្រកួត រកគ្រាប់បាល់បាន ៨គ្រាប់ និងចប់កុងត្រាទៅវិញនៅថ្ងៃទី៣០ ខែមិថុនា ឆ្នាំ២០២១ខាងមុខ៕

ប្រភព៖ Fotmob

អត្ថបទ៖ ហ៊ីម រស្មី