នៅដង្ហើមចុងក្រោយ ឪពុករបស់ គៀត សុវណ្ណាឡាង ផ្ដាំរឿងមួយធ្វើឲ្យនាងទប់ទឹកភ្នែកមិនជាប់

2021-05-03 02:01:04
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងដ៏មានប្រជាប្រិយភាពកញ្ញា គៀត សុវណ្ណាឡាង បានបង្ហោះសារបង្ហាញពីទុក្ខសោកមួយទាំងយប់កាលពីយប់មិញ ក្រោយពីឪពុកបង្កើតរបស់នាងទទួលមរណភាពកាលពីថ្ងៃទី៣០ ខែមេសា ឆ្នាំ២០២១។

គៀត សុវណ្ណាឡាង បានរំលេចនូវបណ្ដាំមួយរបស់ឪពុកមុនពេលលោកលាចាកលោកទៅតាមការសរសេររៀបរាប់របស់នាងនៅលើបណ្ដាញសង្គមFacebook ថា៖"ប៉ាទៅឲ្យសុខចុះខ្ញុំសន្យាថានឹងមើលថែប្អូនៗ និងម៉ាក់អោយបានល្អ ឈឺអីចឹងហើយនៅផ្ដាំកូនៗចុងក្រោយឲ្យចេះស្រលាញ់គ្នាៗ ប៉ាអើយៗប៉ាអោយកូនធ្វើចិត្ដម៉េចបានបើលឿនបែបនឹង"។

ដោយក្ដីអាឡោះអាល័យចំពោះឪពុក តារាស្រីរូបនេះ សច្ចាថាបើមានជាតិក្រោយមែន នាងសូមឲ្យកើតជាកូនរបស់ឪពុករូបនេះទៀត។ គៀត សុវណ្ណាឡាង មិនបានបញ្ជាក់ពីមូលហេតុ នៃការស្លាប់របស់ឪពុកនោះទេ ប៉ុន្តែប្រភពខ្លះបង្ហើបថា លោកបានស្លាប់ដោយសាររោគក្រពះ៕

អត្ថបទ៖ ជិន សុភ័ក្ដ្រ