Pochettino៖ អវត្តមាន Mbappe មិនអាចជាលេសក្នុងការចាញ់ Man City ទេ
- 2021-05-05 01:30:42
- ចំនួនមតិ 0 | ចំនួនចែករំលែក 0
Pochettino៖ អវត្តមាន Mbappe មិនអាចជាលេសក្នុងការចាញ់ Man City ទេ
ចន្លោះមិនឃើញ
Mauricio Pochettino អ្នកចាត់ការរបស់ Paris St-Germain មិនយល់ស្របឡើយចំពោះការធ្លាក់ចេញពី Champions Legaue ដោយសារអវត្តមានខ្សែប្រយុទ្ធ Kylian Mbappe។
Mbappe វ័យ២២ឆ្នាំបានត្រឹមអង្គុយកៅអីបម្រុងមិនបានលេងឡើង ព្រោះតែរបួសភ្លៅ អំឡុងពេលការប្រកួត PSG ចាញ់ Manchester City ២-០ ក្នុងវគ្គពាក់កណ្ដាលផ្ដាច់ព្រ័ត្រ UCL។ សរុបទាំងពីរជើង City ឈ្នះ PSG ៤-១។
ក្រោយបញ្ចប់ការប្រកួតលោក Pochettino បានធ្វើការអបអរដល់ Man City និងសរសើរពួកគេមានរដូវកាលដ៏អស្ចារ្យ។ ប៉ុន្តែក៏មិនបន្ទោសការចាញ់ប្រកួតនេះ ដោយសារគ្មាន Mabppe ដែរ។ ខ្សែប្រយុទ្ធ Mauro Icardi ត្រូវបានដាក់ឲ្យលេងជំនួស Mbappe ប៉ុន្តែលេងមិនសូវល្អទេ។
“អវត្តមានរបស់ Mbappe មិនអាចជាលេសនៃការចាញ់ឡើយ។ ពួកយើងគឺជាក្រុមមួយ។ ប្រាកដណាស់ វាពិតជាសំណាងអាក្រក់ ដែលគេមិនអាចជាទាន់ពេលជួយក្រុមបាន ប៉ុន្តែវាមិនអាចជាលេសទេ។ ពួកយើងមិនអាចប្រើលេសនេះបានទេ ដោយសារការលេងរបស់ក្រុមល្អតើ។ ពួកយើងលេងតាមគម្រោងដែលបានរៀប។ ពេលខ្លះបាល់ទាត់ក៏ត្រូវការសំណាងដែរក្នុងការប្រកួត”៕