ឃើញម្នាក់ៗតឹងតែងណាស់ ចង់ចែករឿងកំប្លែងស្ងួត៣រឿង ឲ្យមើលលេងកាត់ស្ត្រេសកូវីដ១៩

2021-05-05 09:30:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ថានក្នុងពេលនេះ ជឿថាម្នាក់ៗតឹងតែងទាំងអស់ ពិសេសបងប្អូនដែលស្ថិតក្នុងតំបន់ក្រហម ដែលជាប់ក្នុងផ្ទះចេញទៅណាមិនទាន់រួច ដូច្នេះហើយងាកមកធ្វើរឿងផ្សេងដែលយើងអាចធ្វើបាន គឺបើកទូរស័ព្ទទស្សនាភាពយន្តកំប្លែងស្ងួត ៣រឿង សើចយ៉ាងរីករាយ។

ភាពយន្តកំប្លែងស្ងួតទាំង៣រឿងនោះ មាន១រឿងជាភាពយន្តខ្មែរដ៏ល្បីកាលពីឆ្នាំ ២០១៤ គឺរឿង "គ្រាប់ពេជ្រ" ឬ "Gems on the Run”។ ដោយឡែក២រឿងទៀត គឺខ្សែភាពយន្តរបស់របស់ប្រទេសថៃដូចគ្នា គឺរឿង “ពេជ្ឈឃាតផ្កាយព្រះសៅរ៍" និង១រឿងទៀតគឺ "ឃាតករសម្ងាត់" ដែលសុទ្ធជារឿង ទប់មិនសើចមិនបាន។

រឿង “គ្រាប់ពេជ្រ" ឬ "Gems on the Run” ត្រូវបានផលិតឡើងនៅក្នុងឆ្នាំ ២០១៤ និងក្លាយជារឿងកំប្លែងស្ងួតដ៏ល្បីប្រចាំឆ្នាំនោះ។ តាមសាច់រឿង ចុងទសវត្សរ៍90 មិត្តភក្តិបីនាក់ឈ្មោះរិទ្ធិ សុវណ្ ណនិងដារ៉ាបានសន្យា គ្នាថា នៅពេលធំឡើង ពួកគេនឹងបើកភោជនីយដ្ឋានមួយនៅ លើឆ្នេរខ្សាច់ជា មួយគ្នា។ ប៉ុន្តែកាលៈទេសៈបានបំបែកពួកគេរស់ នៅផ្សេងៗគ្នា។ ហើយ15 ឆ្នាំក្រោយមក រិទ្ធជាមន្ត្រីប៉ូលីស បានលឺ ដំណឹងថា ដារ៉ាស្លាប់ ទើបទាក់ទង ទៅ សុវណ្ណជាក្មេងទំនើង។ ពួកគេ បានធ្វើដំណើរឆ្លងកាត់ប្រទេសកម្ពុជា ភាគខាងត្បូង ហើយ សុវណ្ណក៏មានបេសកកម្មមួយនៅក្នុងដៃផងដែរ គឺ ទៅយកត្បូង ពេជ្រ មានតម្លៃ 3 លានដុល្លារ៕

២. “ពេជ្ឈឃាតផ្កាយព្រះសៅរ៍" ក៏ជារឿងដ៏ល្បីមួយរបស់ថៃដែរ ដែលតាមសាច់រឿង ផ្ដើមចេញពីឃាតករកាំភ្លើងដៃឆៅម្នាក់ ប៉ុន្តែមានបញ្ហាអសមត្ថភាពផ្លូវភេទ។ លោកបានធ្វើជា ឃាតករសម្លាប់ដើម្បីរកប្រាក់មកព្យាបាលបញ្ហារបស់គាត់។ ហើយគាត់ ក៏មានដៃគូរជាស្រីស្អាតផងដែរ នាងដឹងច្បាស់ពីការ សំលាប់ប៉ុន្តែអ្វី ដែលនាងមិនដឹងនោះគឺបុរសជាដៃគូររបស់នាង គឺជាឃាតករសំលាប់ឪពុកខ្លួន។

រឿងទី៣ ជារឿងចុងក្រោយ គឺរឿង "ឃាតករសម្ងាត់"។ ស្រដៀងគ្នារឿងទី២ រឿងនេះសាច់រឿងក៏និយាយពីឃាតករដៃឆៅម្នាក់ដែរ នោះគឺ ប៉េអ៊ូស៊ី ជាអ្នកវាយប្រហារអាជីពដែលត្រូវបានដោះលែងពីគុក។ ហើយ គាត់ទើបតែដឹងថា គាត់មានកូនស្រីម្នាក់ឈ្មោះដាវ។ គ្រប់យ៉ាងត្រូវ ប្រែប្រួល នៅពេលកូនស្រីរបស់គាត់ព្យាយាមសំលាប់គាត់ពីព្រោះនាង គិតថាគាត់បានសម្លាប់ឪពុកតែម្នាក់គត់ដែលនាងមាន។