Elon Musk ចិន បង្ហើបគម្រោងចូលដីអឺរ៉ុបសម្រុកលក់រថយន្តអគ្គិសនី

2021-05-07 01:54:14
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក William Li គឺជានាយកប្រតិបត្តិក្រុមហ៊ុនអគ្គិសនី Nio លក់ដាច់បំផុតនៅស្រុកចិន។ លោក ក៏ត្រូវបានពលរដ្ឋចិនដាក់ឈ្មោះក្រៅហៅថា «Elon Musk របស់ចិន» ថែមទៀតផង។

ថ្មីៗនេះលោកបានបញ្ចេញឲ្យដឹងពីគម្រោងបង្កើត Showroom (ទីស្នាក់ការលក់) និងចរាចរណ៍ចែកចាយរថយន្តអគ្គិសនី Nio នៅក្នុងទឹកដីអឺរ៉ុប ដោយចាប់ផ្តើមដំបូងពីប្រទេសន័រវេស អាចនឹងលេចរូបរាងឡើងអំឡុងខែកញ្ញាឆ្នាំ២០២១នេះតែម្ដង។

លោក William Li

លោក William Li បានជាប់ឈ្មោះជាសេដ្ឋីទ្រព្យសម្បត្តិពាន់លានដុល្លារជាថ្មីម្ដងទៀត ក្រោយពីតម្លៃភាគហ៊ុននៃក្រុមហ៊ុនរថយន្តអគ្គិសនីឈ្មោះ NIO របស់លោក បានកើនឡើងតម្លៃដល់ ៤៧២% ចាប់តាំងពីចុងខែឧសភាមកទល់ពេលនេះ។

ទោះបីត្រឹមជាគម្រោងមិនទាន់ចេញលទ្ធផល ប៉ុន្តែអ្នកជំនាញផ្នែកវិភាគទិន្នន័យលក់រថយន្តអឺរ៉ុប បានបញ្ចេញទស្សនៈសុទិដ្ឋិនិយមរួចបាត់ហើយទៅលើរថយន្តអគ្គិសនីដ៏ទំនើបបំផុតរបស់ចិនមួយនេះ។

តួលេខជាក់លាក់មួយចេញផ្សាយដោយ សហព័ន្ធយានយន្តន័រវេស គិតត្រឹមតែ១ឆ្នាំចុងក្រោយនេះ ទីផ្សាររថយន្តអគ្គិសនីលក់ចេញបានចំនួន ៥៤,៣% ជាចំនួនច្រើនជាងពាក់កណ្ដាលនៃទីផ្សាររថយន្តថ្មីប្រភេទប្រើសាំង។ ចំនួននេះកើនឡើងដល់ទៅ ៤២% មានន័យថា ទំនោរនៃការប្រើប្រាស់រថយន្តបៃតងនេះកើនយ៉ាងគំហុក។

រថយន្តអគ្គិសនី SUV ES8 របស់ Nio

រថយន្តម៉ូឌែល ES8 ប្រភេទ SUV របស់ Nio នឹងក្លាយជារថយន្តដំបូងដែលត្រូវបង្ហាញរាងដើរម៉ូតទាក់ទាញចំណាប់អារម្មណ៍ ពេលក្រុមហ៊ុនចរាចរណ៍លក់រថយន្តនៅអឺរ៉ុបលើកដំបូង។ ចំពោះលក្ខណៈសម្បត្តិលើ ES8 ក៏ដូចជា ចំនួនលក់នៃរថយន្តអគ្គិសនី Nio ក្រុមការងារនឹងចុះផ្សាយជូននូវលេខក្រោយ។ ដូចនេះរង់ចាំតាមដានភាគបន្ត។

រំឮកបន្តិចដែរថា ក្រុមហ៊ុនរថយន្តអគ្គិសនីចិន Xpeng Auto បានចូលទៅន័រវេសមុនគេ ដោយលក់រថយន្តរបស់ខ្លួនម៉ូឌែល G3 ប្រភេទ SUV បានច្រើនជាង ១០០ គ្រឿងរួចទៅហើយកាលពីចុងឆ្នាំទៅ៕

ប្រភព៖ CNBC ប្រែសម្រួល៖ រក្សា