អូឡាំពិក១៩៩៦ កីឡាករថៃ Somrak Kamsing វិះជួប Floyd វាយដណ្ដើមមេដាយមាស

2021-05-10 08:25:02
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកដែលចូលចិត្តតាមដានប្រដាល់ថៃប្រាកដជាស្គាល់ Somrak Kamsing ដែលជាអតីតអ្នកប្រដាល់សកលនិងសេរីដ៏ល្បីឈ្មោះម្នាក់។

Somrak ត្រូវបានគេលើកសរសើថា ជាអ្នកប្រដាល់ដែលមាន IQ ខ្ពស់ (វាយឆ្លាត)។ ហើយគេគឺជាកីឡាករថៃដំបូងដែលយកបានមេដាយមាសនៅព្រឹត្តិការណ៍អូឡាំពិកជូនជាតិ។ បុរសវ័យ៤៨ឆ្នាំយកបានមេដាយមាសកាលពីកម្មវិធីរៀបចំនៅទីក្រុង Atlanta សហរដ្ឋអាមេរិក។

កាលឆ្នាំនោះ Floyd Mayweather ក៏ជាបេក្ខភាពវាយតំណែងឲ្យអាមេរិកដូចគ្នា។ Somrak និង Floyd សុទ្ធតែធ្វើបានល្អឈ្នះដូចគ្នាចាប់តាំងពីជុំ៣២នាក់។ អ្នកទាំងពីរបានបន្តដំណើររហូតដល់វគ្គ៤នាក់ចុងក្រោយ ប៉ុន្តែមិនបានប៉ះគ្នាទេ។ ដោយពេលនេះ Floyd ជួបកីឡាករ Todorov របស់ប៊ុលហ្គារី ខណៈ Somrak ប៉ះកីឡាករអាហ្សងទីន Chacon។

ជារឿងសោកស្ដាយ Floyd បានចាញ់ ស្របពេល Somrak ឈ្នះនៅវគ្គ៤នាក់ចុងក្រោយ។ Somrak បានបន្តទៅវគ្គផ្ដាច់ព្រ័ត្របន្តយកឈ្នះ Todorov ដណ្ដើមបានមេដាយមាសក្នុងព្រឹត្តិការណ៍អូឡាំពិកជូនជាតិ តែ Floyd ក៏បានមេដាយសំរឹទ្ធផងដែរ៕