Buffon នឹងចាកចេញពី Juventus នៅចប់រដូវកាលនេះ ក្នុងវ័យ៤៣ឆ្នាំ

2021-05-12 03:13:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាំទី Gianluigi Buffon បានសម្រេចចាកចេញពីក្រុម Juventus នៅពេលចប់រដូវកាលនេះហើយ បន្ទាប់ពីឈានចូលដល់វ័យ៤៣ឆ្នាំទៅហើយនិងឱកាសលេងមានតិចតួច។

កុងត្រារបស់កីឡាករចាស់វស្សាខាងលើនេះ អស់ត្រឹមចប់រដូវកាលនេះហើយ ខណៈដែលក្លឹបនិងសាមីខ្លួនក៏បានយល់ព្រមមិនបន្ដកុងត្រាថ្មីអីទៀតដែរ។ ដូច្នេះមានន័យថា Legend ម្នាក់នេះ ទំនងជាបញ្ចប់អាជីពជាកីឡាករបាល់ទាត់ត្រឹមនេះហើយ ព្រោះបានចំណាយពេលជិត៣០ឆ្នាំហើយជាមួយវិស័យកីឡានេះ។

យ៉ាងណាមិញ ក្រោយពីមានដំណឹងថា Buffon អស់កុងត្រានិងលែងនៅ Juventus ទៀត ក៏ស្រាប់តែក្រុម Atalanta ចាប់អារម្មណ៍ភ្លាមតែម្ដង។ ក្លឹបនេះ បានអះអាងថាប្រសិនបើអ្នកចាំទីរូបនេះ នៅមិនទាន់ចង់ព្យួរស្រោមដៃទេ នោះអាចមកចូលរួមជាមួយក្រុមរបស់ពួកគេបាននៅរដូវកាលក្រោយនេះ៕

ប្រភព៖ Dailymail អត្ថបទ៖ ប្រុស យុទ្ធ