ចង់ដឹងរឿងពិតពីជីវិត Luhan ទេ? ១០ចំណុច ក្នុងអត្ថបទនេះនឹងបញ្ជាក់កាន់តែច្បាស់

2021-05-14 02:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាប្រុសដែលអាយុច្រើន តែមុខមិនខ្ចីចាស់ Luhan គឺជាតារាប្រុសចិនដែលបានបោះជំហានចូលក្នុងពិភពសិល្បៈដំបូងនាមជាតារា K-Pop ក្នុងក្រុម EXO ក្រោមការគ្រប់គ្រងរបស់ផលិតកម្ម SM។ ប៉ុន្តែក្រោយមក លោកក៏បានវិវត្តខ្លួនមកជាតារាទោល ដោយជ្រើសចាប់ផ្ដើមជីវិតសិល្បៈថ្មីនៅលើទឹកដីកំណើត គឺប្រទេសចិនទល់បច្ចុប្បន្ន។

តើក្រៅពីព័ត៌មានសិល្បៈ អ្នកដឹងរឿងអ្វីខ្លះពី Luhan? អ្វីៗនឹងបង្ហាញកាន់តែច្បាស់មតាមរយៈ ១០ចំណុចខាងក្រោមនេះ៖

១. Luhan កើតនៅថ្ងៃទី២០ ខែមេសា ឆ្នាំ១៩៩០ (តារានិករគឺ Aries) ក្នុងស្រុក Haidian ក្រុងប៉េកាំង ប្រទេសចិន។ Luhan គឺជាកូនទោលក្នុងគ្រួសារ។

២. លោកបានបញ្ចប់ការសិក្សាពីអនុវិទ្យាល័យ Beijing Shida និងបានចូលរៀនសាលាភាសា Beijing Haidian Foreign Language Shi Yan School, បន្ទាប់មកក៏បានបន្តការសិក្សាដល់សាកលវិទ្យាល័យ Yonsei នៅប្រទេសកូរ៉េខាងត្បូង ក្នុងនាមជាសិស្សចុះកម្មសិក្សាក្រៅប្រទេស។ ក្រៅពីនេះ Luhan ក៏បានចាប់យកមុខជំនាញផ្នែកតន្ត្រីនៅវិទ្យាស្ថាន Seoul Institute of the Arts នៅប្រទេសកូរ៉េផងដែរ។

៣. Luhan មកពីគ្រួសារអ្នកធូរធាមួយដែលប្រចាំប្រទេសចិន ប៉ុន្តែលោកមិនទទួលលុយពីឪពុកម្ដាយដាច់ខាត ដូចនេះទើបលោកបានព្យាយាមដើរតាមក្ដីស្រមៃហោះទៅប្រទេសកូរ៉េដើម្បីបានឈានឡើងលើវិថីដែលខ្លួនប៉ង។

៤. តាមការឲ្យដឹង Luhan មាន Fanclub ផ្ទាល់ខ្លួន តាំងពីនៅរៀនវិទ្យាល័យម្ល៉េះ។

៥.សួរថា Luhan ជាមនុស្សបែបណា? តាមពិតលោកជាមនុស្សចិត្តល្អ ស្ងប់ស្ងាត់ តែនៅពេលណាលោកខឹង លោកនឹងនិយាយអ្វីចេញមកអស់។ ប៉ុន្តែសរុបជារួម Luhan គឺជាមនុស្សម្នាក់ដែលងាយស្រួលចុះសម្រុងជាមួយបំផុត ហើយមិនដែលព្យាយាមប្រកាន់ទោសអ្នកណាម្នាក់ឡើយ។ ជាឧទាហរណ៍កាលពីនៅជា Trainee នៅចិនធ្លាប់ទាំងត្រូវគេមើលងាយ ប៉ុន្តែលោកមិនដែលប្រកាន់ស្អប់អ្នកទាំងនោះឡើយ។ ក្រៅពីនេះ Luhan ជាមនុស្សស្លូត ស្មោះត្រង់ និងឆាប់ឈឺ។

៦. អ្វីដែល Luhan ចាប់អារម្មណ៍ខ្លាំងមាន៖ គំនូរជីវចល គំនូរ វីដេអូហ្គេម កុំព្យូទ័រ កីឡាទាក់ទងនឹងទឹក បាល់បោះ បាល់ទះ បាល់ទាត់ តន្ត្រី ការប្រគំតន្ត្រី ទូរទស្សន៍ សត្វ ការធ្វើដំណើរ ការច្រៀង និងលេង Rubik's Cube។

៧. លោកមានប្រតិកម្មជាមួយនឹងអាហារគ្រឿងសមុទ្រ។

៨. ដូចអ្នកគាំទ្ររបស់ Luhan ទាំងអស់ដឹងស្រាប់ហើយថា Luhan ជាមនុស្សដែលខ្លាចខ្ពស់ណាស់។ មួយទៀតតាមទម្លាប់ អ្វីដែលមិនចូលចិត្តគឺ លោកមិនចង់ឲ្យអ្នកណាមករញ៉េរញ៉ៃលើគ្រែគេងលោកទេ បើហ៊ានតែឃើញ Luhan នឹងទៅទាត់ឲ្យចេញភ្លាម។

៩. Luhan ធ្លាប់បាននិយាយថា លោកចង់បានកូន ២នាក់នៅថ្ងៃខាងមុខ គឺ ប្រុស ១ ស្រី ១។ សម្រាប់កូនប្រុស លោកនឹងបង្រៀនឲ្យចេញទាត់បាល់ ហើយកូនស្រីវិញលោកនឹងបង្រៀនឲ្យចេះច្រៀង។

១០. លោកចូលចិត្តនារីណាដែលស្ងៀមស្ងាត់ ហើយដូចចិត្តមែនព្រោះថាកាលពីឆ្នាំ ២០១៧ លោកក៏បានបង្ហើបថាខ្លួនបានទាក់ទងនារីម្នាក់ ម្នាក់នោះគឺតារាសម្ដែងវ័យក្មេង Guan Xiao Tong។ ទំនាក់ទំនងរបស់ពួកគេមកដល់ពេលនេះនៅតែផ្អែមល្ហែម និងបន្តទទួលបានការសាទរជាហូរហែពីសំណាក់អ្នកគាំទ្រនូវក្ដីស្នេហ៍របស់ពួកគេ៕