ក្រុមតេក្វាន់ដូ WT របស់កម្ពុជា២រូបចេញទៅប្រកួតជម្រុះដណ្ដើមសិទ្ធចូលរួមអូឡាំពិក ២០២០

2021-05-17 06:46:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ខេមរសហព័ន្ធតេក្វាន់ WT បញ្ចូលកីឡាករ កីឡាការិនីសរុប២នាក់ទៅចូលរួមប្រកួតនៅប្រទេស ហ្សកដង់ ដើម្បីដណ្ដើមសិទ្ធចូលលេងក្នុងព្រឹត្តិការណ៍ អូឡាំពិក ២០២០ ទីក្រុងតូក្យូ។

កីឡាករ កីឡាការិនីដែលតំណាងកម្ពុជា

នេះបើតាមការបង្ហោះលើផេក ខេមរសហព័ន្ធតេក្វាន់ ព្រឹកមិញនេះបានបញ្ជាក់ថា សហព័ន្ធបានបញ្ជូនកីឡាករ វ៉ា មិថុនា និងកីឡាការិនី ខាសាន់ដ្រេ នីកូលថាប់ តំណាងឲ្យកម្ពុជាទៅប្រទេស ហ្សកដង់ ដើម្បីប្រកួតជម្រុះឆ្ពោះទៅព្រឹត្តិការណ៍ អូឡាំពិក ២០២០ ទីក្រុងតូក្យូ ដែលលើកពេលមកធ្វើនៅ ២០២១ នេះវិញ។ ក្នុងនោះកិឡាករ មិថុនា គឺលេងលើប្រភេទទម្ងន់ ៨០គីឡូក្រាមចុះក្រោម រីឯកីឡាការិនី ខាសាន់ដ្រេ នីកូលថាប់ គឺលេងលើប្រភេទទម្ងន់ ៥៧គីឡូក្រាម។

លោកគ្រូ Yong Sok Choi ដែលដឹកនាំកីឡាករទៅ(ឆ្វេង)

រំលឹកដែរថា ព្រឹត្តិការណ៍អូឡាំពិក ឆ្នាំនេះកម្ពុជាបញ្ចូល ៤ប្រភេទកីឡាទៅចូលរួម ដោយក្នុងនោះ២ប្រភេទកីឡារួមមាន តេក្វាន់ដូ WT និងគុនដាវ ត្រូវប្រកួតជម្រុះ និង២ប្រភេទកីឡាទៀតមាន ហែលទឹក និងអត្តពលកម្មគឺបានសិទ្ធអនុគ្រោះចូលរួម៕

អត្ថបទ៖ នួន ស៊ីណា