សុខៗរូប Liu Yifeiកាលពី ១៣ឆ្នាំមុនផ្ទុះជាថ្មី Fan ខ្លះសរសើរដល់ច្រណែនមុខស្អាតគ្មាន ២នេះ

2021-05-18 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រស់លេចធ្លោរបស់ Liu Yifei អ្នកណាៗក៏សរសើរដែរ ក្រៅពីសមត្ថភាពឈានដល់កម្រិតកំពូលផ្នែកសិល្បៈ។

ជាក់ស្ដែងរូបភាពកាលពីនាងមានអាយុ២១ឆ្នាំ ត្រូវបានគេចែកចាយតៗគ្នាជាថ្មី ដែលពេលនោះសម្រស់របស់នាងធ្វើឲ្យគ្រប់គ្នាអួតកប់ៗមាត់ថាឈ្នះអស់មារសត្រូវ។ រូបថតកាលពីនាងចូលរួមកម្មវិធីមួយកាលពីឆ្នាំ ២០០៨ ត្រូវបានសើរើ និងបង្ហោះជាថ្មីបង្កជាការភ្ញាក់ផ្អើលជាខ្លាំង ពាក់ព័ន្ធនឹងការរក្សាវ័យឲ្យនៅតែក្មេង ព្រោះថាបើប្រៀបធៀបកាលពី ជាង១៣ឆ្នាំមុន និងបច្ចុប្បន្ន Yifei ហាក់ដូចជាគ្មានចាស់សោះ។ ទាំងភ្នែក ច្រមុះ មាត់ និងទម្រង់មុខរបស់នាង ត្រូវក្លាយជាប្រធានបទពេញបណ្ដាញសង្គមនាប៉ុន្មានថ្ងៃនេះ។

រូបភាពទាំងនោះ អ្នកណាមើលហើយក៏លាន់មាត់ថា នាងគឺជាស្រីស្អាតដាច់គេ ស្បែកហ្មត់ខៃ រួមជាមួយនឹងទឹកមុខស្រទន់ កាន់តែធ្វើឲ្យនាងក្លាយជាទីគយគន់របស់មហាជន។ ទម្រង់មុខស្រស់ស្អាតគ្រប់ផ្នែកបែបនេះហើយ ទើប Liu Yifei ក្លាយជាមុខគំរូដែលអ្នកគាំទ្រនារីៗមិនតិចទេ ចង់វះកាត់កែសម្រស់តាមឲ្យបានមុខដូចនាង៕