Arteta បញ្ជាក់ថា David Luiz នឹងចាកចេញពី Arsenal នៅរដូវកាលក្រោយនេះ
- 2021-05-18 12:05:07
- ចំនួនមតិ 0 | ចំនួនចែករំលែក 0
Arteta បញ្ជាក់ថា David Luiz នឹងចាកចេញពី Arsenal នៅរដូវកាលក្រោយនេះ
ចន្លោះមិនឃើញ
លោក Mikel Arteta អ្នកចាត់ការក្លឹប Arsenal បាននិយាយបញ្ជាក់នៅក្នុងថ្ងៃនេះយ៉ាងច្បាស់លាស់ថា ខ្សែការពារ David Luiz នឹងចាកចេញពីក្លឹបលោក នៅរដូវកាលខាងមុខនេះ។
លោក Arteta បាននិយាយថា៖" David គេជាកីឡាករម្នាក់ដែលឈ្នះអ្វីគ្រប់សព្វអស់ហើយក្នុងវិស័យបាល់ទាត់នេះ អញ្ចឹងហើយគេទៅធ្វើអីក៏បានដែរ។ ខ្ញុំពិតជាមានមោទនភាពណាស់ ដែលធ្វើការរួមគ្នាជាមួយគេរយៈពេល ១៨ខែមកនេះ ខ្ញុំពិតជាពេញចិត្តគេមែនទែន។ ពួកយើងត្រូវបានរ៉ូវជាមួយគ្នាណាស់ យើងមានពេលវេលាល្អៗជាមួយគ្នាច្រើន។ និយាយទៅគេជួយបានច្រើន យើងពេញចិត្តនឹងគេមែន "។
លោកបានបន្តថា៖" អញ្ចឹងហើយខ្ញុំមានតែពាក្យអរគុណចំពោះគេ ហើយជូនពរគេនៅទំព័រជីវិតថ្មីបន្ទាប់ពីក្លឹបយើងនេះ ឲ្យជួបតែសំណាងល្អព្រោះខ្ញុំស្គាល់គេច្បាស់ណាស់ គេនឹងនាំអ្វីថ្មីៗបន្តទៀតនៅក្នុងអាជីពរបស់គេ "។
តាមពិតទៅ David Luiz គ្រោងចាកចេញពី Arsenal មុនរដូវកាលនេះចាប់ផ្ដើមមកម្ល៉េះ តែដោយសារបញ្ហាកូវីដ-១៩ គេក៏នៅបន្ត ហើយខាងក្លឹបក៏បន្តកុងត្រាឲ្យកីឡាកររូបនេះ ១ឆ្នាំបន្តរហូតដល់ថ្ងៃទី៣០ ខែមិថុនា ឆ្នាំ២០២១ខាងមុខ៕