បែកធ្លាយ! Benzema ត្រូវបានជ្រើសរើសមកលេងនៅបារាំងសម្រាប់ Euro
- 2021-05-18 11:53:28
- ចំនួនមតិ 0 | ចំនួនចែករំលែក 0
បែកធ្លាយ! Benzema ត្រូវបានជ្រើសរើសមកលេងនៅបារាំងសម្រាប់ Euro
ចន្លោះមិនឃើញ
ខ្សែប្រយុទ្ធក្លឹប Real Madrid កីឡាករ Karim Benzema ត្រូវបានជ្រើសរើសមកលេងឲ្យក្រុមជម្រើសជាតិបារាំងសម្រាប់ព្រឹត្តិការណ៍បាល់ទាត់ជម្រើសជាតិអឺរ៉ុប UEFA Euro នេះបើតាមការចុះផ្សាយរបស់សារព័ត៌មានដែលមានមូលដ្ឋាននៅរដ្ឋធានីប៉ារីស Le Parisien។
សារព័ត៌មានដដែលបានទម្លាយថា Benzema ត្រូវបានគ្រូបង្គោលក្រុមមាន់ខ្នាយបារាំង លោក Didier Deschampចាប់អារម្មណ៍យ៉ាងខ្លាំង ក្រោយបង្ហាញទម្រង់លេងគួរឲ្យចាប់អារម្មណ៍ឲ្យក្លឹប Real Madrid នៅក្នុងរដូវកាល២០២០/២១នេះ។
កីឡាករវ័យ ៣៣ឆ្នាំរូបនេះរកបាន ២៩គ្រាប់ ក្នុង៤៥ប្រកួតគ្រប់កម្មវិធីប្រកួតរបស់ក្លឹប Real Madrid នៅក្នុងរដូវកាល។
Benzema ខានបានលេងក្រុមជម្រើសជាតិបារាំងតាំងពីឆ្នាំ២០១៥ ដោយសារតែជាប់ការសង្ស័យនឹងបញ្ហារឿងអាស្រូវគំរាមទម្លាយវីដេអូអាសអាភាស ដើម្បីទារយកប្រាក់ពីអតីតមិត្តរួមក្រុមខ្សែបម្រើ Mathieu Valbuena៕