វិបត្តិកូវីដទុកមួយឡែក! គ្រួសារតារាទាំង៥ដួងនេះ កំពុងឡូយឆាយជាមួយរថយន្តសេរីទំនើប Jeep តម្លៃរាប់ម៉ឺន

2021-05-25 03:28:40
ចំនួនមតិ 0 | ចំនួនចែករំលែក 0

ចន្លោះមិនឃើញ

វិបត្តិកូវីដ-១៩ បានអូសបន្លាយជិត២ឆ្នាំហើយ។ មិនថាតែពលរដ្ឋសាមញ្ញ សូម្បីតែសិល្បករ-សិល្បការិនីខ្មែរដែលធ្លាប់មានចំណូលក្រាសក្រែលពីអាជីពរាំ ចម្រៀង និងសម្ដែងរបស់ខ្លួននោះក៏បាត់ចំណូលស្ទើរទាំងស្រុងដែរ ដោយសារតែកម្មវិធីកម្សាន្ត សប្បាយត្រូវបានផ្អាក។

ដោយឡែកគ្រួសារ និងអ្នកសិល្បៈទាំង៥ដួងនេះ នៅតែមានលទ្ធភាពទិញរថយន្តសេរីទំនើបៗ ជាពិសេសរយៈពេលចុងក្រោយនេះគេឃើញតារាទាំងនេះបង្ហាញភាពឡូយឆាយជាមួយនឹងឡានសេរីទំនើបម៉ាក Jeep ដែលមានតម្លៃទីផ្សារប្រមាណ១០ម៉ឺនដុល្លារ។

១/តារាចម្រៀងប្រុសរបស់ផលិតកម្មសាន់ដេ កែវ វាសនា បានទិញឡាន Jeepពណ៌ប្រផេះ សេរីឆ្នាំ២០២១ កាលពីខែមីនា ឆ្នាំ២០២១។ កែវ វាសនា និងភរិយាដែលមានកូនប្រុសស្រីដ៏គួរឲ្យស្រឡាញ់ពីរនាក់ ធ្លាប់បង្ហើបថា គ្រួសារលោកបានកុម្ម៉ង់ទិញJeep សេរីឆ្នាំ២០២០ មិនបានក៏សម្រេចទិញអាផ្សេងដែលមានតម្លៃថ្លៃ គឺសេរី២០២១ តែម្ដង។

២/ តារាសម្ដែង គង់ ច័ន្ទស្រីមុំ បានទិញរថយន្តម៉ាកJeep rangler សេរី២០២០ ពណ៌លឿងលាយខ្មៅ កាលពីដើមឆ្នាំ២០២១ នេះ។ គង់ ចាន់ស្រីមុំ និងស្វាមី ព្រមទាំងកូនស្រី តែងតែបង្ហាញភាពស៊ីវិល័យរបស់ខ្លួនទៅកាន់មហាជនជាមួយនឹងឡានទំនើប១គ្រឿងនេះ។

៣/ តារាចម្រៀងស្រីរបស់ផលិតកម្មរស្មីហង្សមាស រ៉េត ស៊ូហ្សាណា ទទួលបានកាដូពិសេសមួយពីប៉ា-ម៉ាក់ នៅដើមឆ្នាំ២០២១ នេះ។ នោះគឺឡានម៉ាក Jeep Robicon សេរីឆ្នាំ២០២១ ពណ៌ខ្មៅ ដែលព័ត៌មានខ្លះថាឡាននេះត្រូវបានប៉ារបស់នាងទិញក្នុងតម្លៃ១០ម៉ឺនដុល្លារ។ ហ្សាណា ពេញចិត្ដនឹងកាដូនេះខ្លាំងណាស់ ដោយសូម្បីតែស្លាកលេខក៏មានឈ្មោះនាងដែរ ហើយនាងបានអគុណជាអនេកចំពោះប៉ា-ម៉ាក ដែលបានផ្ដល់កាដូជាទីគាប់ចិត្តដល់ខ្លួននាពេលនេះ។

៤/តារាសម្ដែង និងជាពិធីការិនី ស៊ឹម សូលីកា បានទិញរថយន្តម៉ាក Jeep ប្រភេទff road ពណ៌ក្រហមឆ្អៅ លាយខ្មៅ១គ្រឿង។ ឡាននេះ ស៊ឹម សូលីកា បានទិញវាជាកាដូសម្រាប់កូនស្រីពេញក្រមុំឈ្មោះ ស៊ឹម សូលីណា នៅអំឡុងពេលដែលអ្នកសិល្បៈភាគច្រើនត្អូញត្អែរពីការបាត់ប្រាក់ចំណូលដោយសារវិបត្តិជំងឺកូវីដ-១៩។

៥/តារាសម្ដែង និងម៉ូដែល ឌី សូនីតា មិនបានប្រាប់ថានាងទិញរថយន្ត Jeep សេរីទំនើបនឹងគេទេ ប៉ុន្ដែកាលពីថ្ងៃទី២៣ ខែឧសភា ឆ្នាំ២០២១ រូបនាង និងកូនស្រីបានថតបង្ហួតរាងជាមួយនឹងឡានJeep ពណ៌ខ្មៅ ពាក់ស្លាកលេខភ្នំពេញ១គ្រឿង។ ឌី សូនីតា បានបញ្ចេញរូបថតទាំងក្នុង និងក្រៅរថយន្តជាច្រើនសន្លឹកជាមួយនឹងកូនស្រី ដោយមានភ្ជាប់ពាក្យថា"មើលម៉ូដែលបងប្អូនគេផងចាស បងស្រីជាមួយប្អូនស្រីទេ តិចច្រឡំចុះអ៊ុំពូមីង"៕

អត្ថបទ៖ ជិន សុភ័ក្ដ្រ