សំនួរល្អ! ធ្វើម៉េចទើបអាចចូលលេងឲ្យយុវជនរបស់ខេត្តបាន?

2021-05-25 03:35:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងប្រទេសកម្ពុជាបានរៀបចំឲ្យមានសាលាតម្រង់ទិសនៅតាមបណ្ដាខេត្តនីមួយៗ ដើម្បីអភិវឌ្ឍន៍ដល់វិស័យបាល់ទាត់ ដោយផ្ដោតសំខាន់ទៅលើការបណ្ដុះយុវជន។ ចុះតើធ្វើម៉េចទើបអាចចូលហាត់នៅសាលាតម្រង់ទិស ឬ គេហៅថា យុវជនតំណាងឲ្យខេត្តនីមួយៗបាន?

សកម្មភាពហ្វឹកហាត់របស់យុវជនជាតិបាទីក្រោមអាយុ១៥ឆ្នាំ

ទាក់ទងសំនួរដ៏ល្អមួយនេះលោក សាប៊ូន វិនតា គ្រូជំនួយសាលាបាល់ទាត់ជាតិបាទីបាននិយាយថា «ជាដំបូងប្អូនៗត្រូវមានការចាប់ផ្ដើមហ្វឹកហាត់ត្រឹមត្រូវមួយសិន តាមក្រុមនៅក្នុងខេត្តរបស់ប្អូនៗក៏បាន។ ដល់ពេលសាលាតម្រង់ទិសនៅតាមខេត្តរបស់ប្អូនគេជ្រើសរើស ប្អូនទៅធ្វើតេស្តហើយនៅពេលគេជ្រើសរើសប្អូនហើយ គេអាចនឹងធ្វើការផ្ដាស់ប្ដូរសាលារៀនរបស់ប្អូន ដើម្បីឲ្យមានភាពងាយស្រួលដល់ការរៀនសូត្រផង និងហាត់បាល់ផង»។

សាលាតម្រង់ទិសនៅតាមបណ្ដាខេត្តនីមួយៗ មានការជ្រើសរើសជារៀងរាល់ឆ្នាំ ហើយយុវជននៅតាមបណ្ដាខេត្តទាំងអស់ នឹងទទួលបានឱកាសជ្រើសរើសបន្តឲ្យមកហាត់នៅសាលាបាល់ទាត់ជាតិបាទី ប្រសិនបើយុវជនរូបនោះមានសមត្ថភាព៕

អត្ថបទ៖ ស្រី សុវណ្ណដារ៉ា