មិនទាន់អស់ចំហាយល្បីផង! នី ណូលី សន្យាផលិតបទថ្មីដែលមានចង្វាក់ភ្លេងស្រដៀងនឹង"លក់គោយន្ត"មួយទៀត

2021-05-25 08:32:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Original song លី ណូលី ហៅ Noly record សន្យាថាលោកនឹងប្រឹងប្រែងផលិតបទថ្មីមួយទៀតដែលមានចង្វាក់ភ្លេងស្រដៀងនឹងបទ"លក់គោយន្ត" ដើម្បីបម្រើអារម្មណ៍ប្រិយមិត្ត។ ការសន្យានេះធ្វើឡើងក្នុងពេលដែលលោកថ្លែងសារអគុណដល់អ្នកគាំទ្រដែលបានចូលទស្សនាបទ"លក់គោយន្ត"រហូតដល់១លានដង គិតត្រឹមតែរយៈពេល១សប្ដាហ៍។

លោក លី ណូលី និយាយថា អគុណអ្នកទាំងអស់គ្នាដែលបានទស្សនារហូតដល់១លានView ក្នុង១សប្ដាហ៍ សម្រាប់បទភ្លេងនិពន្ធថ្មីមួយនេះ៖"ខ្ញុំនឹងព្យាយាមតែងនិពន្ធបទភ្លេងបែបនេះបន្ថែមទៀតដើម្បីអ្នកទាំងអស់គ្នា។ អរគុណសំរាប់ការ Comment និងការស្រលាញ់"។

បទ"លក់គោយន្ដ" ដែលជាស្នាដៃនិពន្ធបទភ្លេង និងច្រៀងដោយលោក នី ណូលី ហៅNoly record បានលើកកេរ្តិ៍ឈ្មោះលោកថែមមួយកម្រិតទៀតនៅក្នុងវិស័យសិល្បខ្មែរផ្នែកបទចម្រៀង។ "លក់គោយន្ដ" អាចនិយាយបានថាជាបទល្បីប្រចាំឆ្នាំ២០២១ របស់លោក ព្រោះមានតារាចម្រៀងទាំងក្នុង និងក្រៅស្រុកបានយកបទនេះទៅច្រៀងឡើងវិញជាហូរហែ។ បន្ទាប់ពីបទ"លក់គោយន្ត" គេនៅមិនទាន់ឃើញលោកចេញបទពីរោះទាក់ចិត្តណាមួយផ្សេងទៀតនៅឡើយទេ៕

អត្ថបទ៖ ជិន សុភ័ក្ដ្រ