ក្រុមហ៊ុនផលិតភាពយន្តមានឈ្មោះថា Metro Goldwyn Mayer ឬហៅកាត់ថា MGM ។ ផលិតមួយនេះធ្លាប់បានកម្មវិធីទូរទស្សន៍ដ៏ល្បីល្បាញរាប់ឆ្នាំកន្លងមកដែលអ្នកទាំងអស់គ្នា​ ប្រហែលជាធ្លាប់ស្គាល់ច្រើនមកហើយតាមរយៈ តុក្កតាឆ្មារកណ្តុរ, James Bond និងភាពយន្តដទៃទៀតពេលនេះត្រូវប្ដូរម្ចាស់ ថ្មីមក​កាន់កាប់ហើយ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

MGM បានលក់វាឱ្យក្រុមហ៊ុនលក់ទំនិញអនឡាញដ៏ធំជាងគេគឺ Amazon ក្នុងតម្លៃ ៨,៤៥ ពាន់លានដុល្លារ នេះបើយោងតាម កិច្ចព្រមព្រៀងក្នុងការទិញដូររបស់ក្រុមហ៊ុន Amazon ទើបនឹងប្រកាសជាផ្លូវការនៅថ្ងៃនេះ។

វាជាការទិញដូរដ៏ធំមួយ ត្បិតអី តទៅថ្ងៃខាងនេះក្រុមហ៊ុន Amazon នឹងក្លាយជាម្ចាស់បណ្ណាល័យវីដេអូយ៉ាងធំសម្បើមដោយផ្ទុកនូវស្នាដៃរបស់ MGM ប្រមាណជា ៤០០០ខ្សែភាពយន្ត និងកម្មវិធីទូរទស្សន៍ ១៧០០០ ម៉ោងឯណោះ​។

បណ្ណាល័យដ៏ធំនេះ នឹងរុញ Amazon ឱ្យកាន់តែធំធាត់ និងបូមអតិថិជនបានកាន់តែច្រើនបន្ថែមទៀត លើសេវាកម្មទូរទស្សន៍អនឡាញ Amazon Prime របស់ខ្លួន ដែលជាសេវាកម្មអនឡាញដ៏ធំមួយនៅលើពិភពលោក ក្រៅពី Netflix និង Disney Plus៕

ប្រភព៖ theverge   ប្រែ​សម្រួល៖ កុសល