ខឹងគេពេក អៀ ប៉េងលិ ហៅស្រីលិ ភ្លាត់ធ្លាយរឿងនាងលួចកែសម្ផស្សពីរកន្លែងលើផ្ទៃមុខ

2021-06-01 08:46:36
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយពីរូបសម្រស់ កញ្ញា អៀ ម៉េងលិ ហៅស្រីលិ គឺស្រស់ស្អាតមិនចាញ់តារាម៉ូដែល ឬសម្ដែងល្បីៗរបស់ខ្មែរប៉ុន្មានឡើយ ហើយមហាជន និងអ្នកគាំទ្រនាងភាគច្រើនមិនដែលដឹងទាល់តែសោះថាផ្ទៃមុខIdolរបស់ខ្លួនមានការកែកុនខ្លះហើយ។

ប៉ុន្តែចៃដន្យអីមានអ្នកធ្លាប់គាំទ្រតារាសម្ដែង និងម៉ូដែលវ័យក្មេងរូបនេះខ្លះដឹងយ៉ាងច្បាស់ថា ទម្រង់មុខរបស់នាងបានកែ។ អ្នកខ្លះសរសេរសារបែបចំអកថា បើស្រីលិមិនកែសម្ផស្សមិនបានស្អាតដូច្នេះឡើយ។ ការលើកឡើងបែបនេះហើយដែលធ្វើឲ្យកញ្ញា អៀ ម៉េងលិ ផ្ទុះកំហឹង ហើយឆ្លើយតបយ៉ាងតក់ក្រហល់តាមFacebook កាលពីថ្ងៃម្សិលម្ង៉ៃ។

អៀ ម៉េងលិ៖"គិតអីរាល់ថ្ងៃនាងៗ តារាពិភពលោក ធម្មជាតិទាំងអស់មែនទេ? ហើយបើខ្ញុំមិនចេះថែខ្លួនខ្ញុំអាចស្អាតបានទេ? ខ្ញុំទទួលស្គាល់ថាខ្ញុំកែ តែខ្ញុំកែតែច្រមុះ ហើយនឹងមាត់ទេ...អ្នកនិយាយខ្ញុំនឹងខំធ្វើឲ្យបានប៉ុនខ្ញុំទៅណា ជូនពរ"។

រូបថត៖ហ្វេសប៊ុក អៀ ម៉េងលិ

កញ្ញា អៀ ម៉េងលិ ប្រើពាក្យសម្ដីធ្ងន់ៗតបទៅនឹងអ្នករិះគន់នាងវិញថា អ្នកខ្លះចូលចិត្តណាស់និយាយជាន់ពន្លិចគ្នាឯង ដល់ពេលសាសន៍គេវិញម្នាក់ៗជ្រួលជ្រើមណាស់ នាងថាមិនខឹង និងមិនអាចបង្ខំឲ្យមនុស្ស១០០នាក់ ពេញចិត្ដនាងទាំង១០០នាក់នោះទេ តែមុននឹងនិយាយ ឬរិះគន់លើគេត្រូវមើលខ្លួនឯងផង៕

អត្ថបទ៖ ជិន សុភ័ក្ដ្រ