ភ្នំពេញក្រោនលើកពានលីកជាតិទាំង U-15 និងU-17
- 2014-11-24 16:45:25
- ចំនួនមតិ 0 | ចំនួនចែករំលែក 0
ភ្នំពេញក្រោនលើកពានលីកជាតិទាំង U-15 និងU-17
ចន្លោះមិនឃើញ
ការប្រកួតកីឡាបាល់ទាត់លីកយុវជនប្រចាំឆ្នាំ២០១៤ បានបិទបញ្ចប់ហើយកាលពីម្សិលមិញនេះ នៅឯទីលានសាលាបាល់ទាត់ជាតិទន្លេបាទី ដោយយុវជនរបស់ភ្នំពេញក្រោនលើកពានទាំងលីកយុវជនអាយុក្រោម១៥ឆ្នាំ (U15) និងលីកយុវជនអាយុក្រោម១៧ឆ្នាំ (U17)។
ក្រោយប្រកួតវិលជុំសន្សំពិន្ទុអស់ជាច្រើនសប្ដាហ៍កន្លងមក ទាំងលីក U-15 និងលីក U-17 បានធ្វើការបិទព្រមគ្នាកាលពីម្សិលមិញ ដោយយុវជនរបស់ភ្នំពេញក្រោនក្រោមអាយុ១៥ឆ្នាំ និងក្រោមអាយុ១៧ឆ្នាំ ទទួលបានជើងឯកដូចគ្នា ហើយសុទ្ធតែបានបំបែកកំណត់ត្រាឈ្នះ១០០%ដូចគ្នា។ យុវជនក្រោនឈ្នះគ្រប់ការប្រកួតទាំងអស់ ដោយមិនមានចាញ់ ឬស្មើ សូម្បីតែមួយប្រកួត។
PPCFC U17
សម្រាប់លីក U17 ក្រុមជើងឯកភ្នំពេញក្រោនទទួលបានថវិកា៥លានរៀល ហើយទទួលបានពានរង្វាន់ Fair play ។ ជើងឯករងចម្ការកៅស៊ូបឹងកេត ទទួលបានប្រាក់រង្វាន់៣លានរៀល និងក្រុមលេខ ៣អាកាសចរណ៍ស៊ីវិលទទូលបាន២លានរៀល។ កីឡាកររកគ្រាប់បាល់បានច្រើនជាងគេគឺ សួន នឿត និងអ្នកចាំទីល្អជាងគេគឺ គង់ ចាន់វុទ្ធី របស់ភ្នំពេញក្រោនទាំងពីរ ដោយម្នាក់ៗទទួលបានថវិកា១០ម៉ឺនរៀល។PPCFC U15
ដោយឡែកលីក U15 វិញ ក្រុមជើងឯកភ្នំុពេញក្រោនទទួលបានថវិកា៥លានរៀល រីឯជើងឯករងអាកាសចរណ៍ស៊ីវិលទទួលបាន៣លានរៀល និងក្រុមលេខ៣សាលាបាល់ទាត់ជាតិទន្លេបាទីទទួលបាន២លានរៀល។ យុវជនមកពីក្រុមសាលាបាល់ទាត់ជាតិ សៀង ចាន់ធា ជាអ្នករកគ្រាប់បាល់បានច្រើនជាងគេ ស្របពេលដែលអ្នកចាំទីល្អបានទៅលើ គង់ រ៉ាហ្វាត របស់ភ្នំពេញក្រោន ហើយអ្នកទាំងពីរទទួលបានថវិកា១០ម៉ឺនរៀលដូចគ្នា។ ចំណែកឯពានរង្វាន់ Fair Play បានទៅលើក្រុមយុវជនខេត្តស្វាយរៀង៕
អត្ថបទ៖ អៀង សូទ្រី
រូបថត៖ ក្លិបភ្នំពេញក្រោន