ថ្មីហើយប្លែកពីគេ! ផាន់ រុង ថាបទថ្មីត្រូវចេញបន្តិចទៀតនេះអាចស្ដាប់បានទាំងខ្មែរ និងបរទេស

2021-06-29 02:21:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងចម្រៀងវ័យក្មេងលោក ផាន់ រុង ដែលមានសមត្ថភាពនិពន្ធ ហើយសម្ដែង ឬច្រៀងដោយខ្លួនឯងនោះ បានប្រកាសដល់អ្នកគាំទ្ររបស់ខ្លួនថា លោកនឹងមានកាដូជូនអ្នកគាំទ្រនៅចុងខែមិថុនា ឆ្នាំ២០២១។ នោះ គឺបទចម្រៀងបែបហីបហប់១បទនៅម៉ោង១០ព្រឹក ថ្ងៃទី២៩ ខែមិថុនា នេះ។

ផាន់ រុង បានប្រាប់Sabay នៅមុននេះបន្តិចថា រូបលោកដែលជាអ្នកនិពន្ធ និងច្រៀងបទនេះដោយខ្លួនឯងផ្ទាល់ក៏មានអារម្មណ៍ប្លែក ហើយចង់ឲ្យបទនេះចេញភ្លាមៗ ដើម្បីឲ្យអ្នកគាំទ្របានដឹងនូវស្ដាយប្លែកៗពីលោក និងក្រុមការងារលើបទចម្រៀងដ៏កម្រមួយនេះ។

ផាន់ រុង៖"ខ្ញុំមានអារម្មណ៍ប្លែកជាមួយបទនេះ ហើយចង់ចេញបទហ្នឹង ដើម្បីឲ្យហ្វេនៗបានដឹងថា...អូហ៍ ផាន់ រុង បានធ្វើបទថ្មីហើយប្លែកដែលជាប្រភេទផ្លាស់ប្ដូរពីខ្ញុំដែលធ្លាប់ច្រៀងបទកន្ទ្រឹប និងបទបែបស្វីតៗ មកជារបៀបហីបហបដែលប្រិយមិត្តអាចស្ដាប់បានទាំង"។

ផាន់ រុង ចម្រៀងMVដែលលោកអះអាងថា ថ្មីហើយប្លែកអារម្មណ៍សម្រាប់អ្នកទស្សន៍ ឬស្ដាប់នេះ នឹងចេញនៅលើPage Youtube និងគណនីFacebook របស់លោកនៅបន្តិចទៀតនេះ។ គេសង្កេតឃើញថាតារាចម្រៀង និងសម្ដែងមកពីខេត្ដបន្ទាយមានជ័យរូបនេះ អាក់ខានចេញបទចម្រៀងជាយូរមកហើយ ពោលគឺចាប់តាំងពីស្ថានភាព នៃការឆ្លងរាតត្បាតជំងឺកូវីដ-១៩ វាយលុកខ្លាំង តែគេឃើញលោកចេញនូវរឿងខ្លីៗជាច្រើនស្ថិតនៅក្នុងកាលៈទេសៈតែមួយនេះ៕

អត្ថបទ៖ ជិន សុភ័ក្ដ្រ