បេះដូងទៀតហើយ! សោកស្ដាយផង អ្នកមានគុណ យូរី គាំងបេះដូងស្លាប់យប់មិញ

2021-06-30 01:23:06
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅប៉ុន្មានចុងក្រោយ ជំងឺបេះដូង បានឆក់យកជីវិតប្រជាពលរដ្ឋខ្មែរគួរកត់សម្គាល់ ជាក់ស្ដែង អ្នកមានគុណ តារាចម្រៀង យូរី បានគាំងបេះដូងបាត់បង់ជីវិតគួរឲ្យសោកស្ដាយកាលពីយប់មិញ។

យូរី ត្រូវបានគេឃើញប្ដូររូប Profile ហ្វេសប៊ុកនាងជាការកាន់ទុក្ខ ធ្វើឲ្យប្រិយមិត្តរបស់នាងជាច្រើនភ្ញាក់ផ្អើល និងចូលរួមសរសេរចូលរួមរំលែកទុក្ខ និងលើកទឹកចិត្តតារាស្រីគ្រប់ៗគ្នា។ ប៉ុន្តែភ្លាមៗគេមិនដឹងថា សាច់ញាតិណាម្នាក់របស់នាងជួបរឿងមិនល្អនោះទេ។

តាមរយៈសារអេឡិចត្រូនិក តារាចម្រៀងរបស់ហង្សមាស បានប្រាប់យ៉ាងខ្លីថា នោះគឺម្ដាយរបស់នាងដែលលោកបានចែកឋានកាលទៅហើយ ដោយសារគាំងបេះដូង។ "ម្ដាយខ្ញុំគាំងបេះដូងស្លាប់យប់មិញបង...!”។

នៅមិនទាន់ដឹងនៅឡើយថា អ្នកម្ដាយរបស់តារាចម្រៀងរូបនេះ មានឈ្មោះ អ្វី និងអាយុប៉ុន្មាន ហើយក៏មិនដឹងថា សពតម្កល់ធ្វើបុណ្យនៅទីកន្លែងណាដែរ៕