រន្ធត់ណាស់! ឆ្លងជំងឺកូវីដទាំងគ្រួសារ ឥឡូវលេចដំណឹងថាស្លាប់សមាជិកម្នាក់ដែលជាអ្នកសិល្បៈទៀត

2021-07-01 03:26:39
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងភេទទី៣ នាយពាង បានទទួលមរណភាពហើយនៅថ្ងៃទី១ ខែកក្កដា ឆ្នាំ២០២១ ដោយសារជំងឺកូវីដ-១៩ បន្ទាប់ពីសមាជិកគ្រួសាររបស់លោកទាំងអស់គ្នាត្រូវបានគេរកឃើញថាវិជ្ជមានជំងឺកូវីដ។ នេះបើតាមការអះអាងរបស់លោក អ៊ឹម ជីវ៉ា។

លោក អ៊ឹម ជីវ៉ា បានប្រកាសដំណឹងនេះដោយមានភ្ជាប់រូបថតនាយពាងជាច្រើនសន្លឹកតាមបណ្ដាញសង្គមfacebook នៅមុនបន្តិចថា នៅអំឡុងពេល នៃការរង់ចាំឡានពេទ្យដឹកយកទៅសម្រាក និងព្យាបាល ស្រាប់តែនាយពាងចាប់ផ្ដើមធ្វើទុក្ខខ្លាំងនៅថ្ងៃទី២៩ ខែមិថុនា ហើយមកដល់ព្រឹកនេះស្រាប់តែគ្រួសារនាយពាងប្រាប់ថាលោកបានស្លាប់ហើយ។

លោក អ៊ឹម ជីវ៉ា ដែលធ្លាប់នាំយកអំណោយ និងថវិកាជូនដល់តារាកំប្លែងរូបនេះផងនោះ មិនបានបញ្ជាក់ថាក្រៅពីនាយពាងដែលបានស្លាប់ មានសមាជិកគ្រួសារសរុបប៉ុន្មាននាក់ ហើយពួកគេកំពុងមានស្ថានភាពបែបណានោះទេ? គិតត្រឹមម៉ោង១០ ថ្ងៃទី១ ខែកក្កដា នេះ Sabay ក៏មិនទាន់រកប្រភពទាក់ទងសមាជិកណាម្នាក់របស់នាយពាង ដើម្បីសុំការអត្ថាធិប្បាយបន្ថែមជុំវិញករណីនេះនៅឡើយទេ៕

អត្ថបទ៖ ជិន សុភ័ក្ដ្រ