Wenger ឆ្ងល់ហេតុអ្វីអាជ្ញាកណ្ដាលមិនពិនិត្យ VAR ត្រង់កន្លែង Sterling ដួល

2021-07-08 02:00:31
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Arsene Wenger អតីតអ្នកចាត់ការក្រុម Arsenal បាននិយាយថាអាជ្ញាកណ្ដាលគួរតែពិនិត្យ VAR ដើម្បីកាត់ក្ដីឱ្យច្បាស់បន្តិច មុនផ្ដល់បាល់ពិន័យ១១ម៉ែត្រទៅខាងអង់គ្លេស។

អង់គ្លេសបានយកឈ្នះលើក្រុមដាណឺម៉ាក់ក្នុងលទ្ធផល ២-១។ ដោយគ្រាប់បាល់ជ័យជម្នះក្នុងការប្រកួតនេះ ជាបាល់ប៉េណាល់ទីដែលអាជ្ញាកណ្ដាលផ្ដល់ឱ្យនៅពេលខ្សែប្រយុទ្ធ Sterling ដួលក្នុងតំបន់គ្រោះថ្នាក់។ តែកន្លែងនេះ ក៏មានមតិចម្រូងចម្រាសគ្នាដែរ ព្រោះខាងក្រុមដាណឺម៉ាកមិនប្រជែងយកបាល់ខ្លាំងទៅលើ Sterling នោះទេ។

ក្នុងនោះ Wenger បានបង្ហាញចំណាប់អារម្មណ៍ដែរថា៖ “មិនគួរឱ្យប៉េណាល់ទីទេ។ ខ្ញុំមិនយល់ ហេតុអ្វីក្នុងស្ថានភាពបែបនេះមិនពិនិត្យ VAR អាជ្ញាកណ្ដាលមិនបានទៅ និងមើលអេក្រង់សោះ។ មកដល់វគ្គនេះ គាត់គួរតែពិនិត្យមើលឱ្យច្បាស់”។

រំលឹកថាក្នុងការប្រកួតនៅយប់មិញនេះ ក្រុមអង់គ្លេសលេងក្នុងទឹកដីខ្លួនឯង Wembley ដែលមានអ្នកគាំទ្រប្រមាណ៦ម៉ឺននាក់ចូលទស្សនាផងដែរ។ ខណៈដែលវគ្គផ្ដាច់ព្រ័ត្រទល់ក្រុមអ៊ីតាលី ក៏លេងនៅកីឡដ្ឋាននេះទៀតដែរ៕

ប្រភព៖ www.afp.com អត្ថបទ៖ ប្រុស យុទ្ធ