កាលពីថ្មីៗនេះតារាសម្ដែងស្រីឆ្នើមកញ្ញា ស្រីនិច បានបង្កការភ្ញាក់ផ្អើលយ៉ាងខ្លាំងបន្ទាប់ពីនាងប្រកាសក្ដែងៗលើសង្គមហ្វេសប៊ុក សុំលាឈប់ពីសិល្បៈដែលខំតស៊ូកសាងប្រជាប្រិយភាពអស់រយៈពេល ៦ឆ្នាំ ក្រោមហេតុផលច្បាស់លាស់មួយ។

មហាជន ជាពិសេសអ្នកគាំទ្រហាក់ស្រងាកចិត្ត និងត្រៀមចិត្តទទួលយកមិនទាន់បានទេ បន្ទាប់ Idol របស់ពួកគេគឺតារាស្រីរាងខ្ពស់ស្រឡះ ស្រីនិច ប្រកាសភ្លាមៗ សុំលាឈប់ពីសិល្បៈដែលខំហែលឆ្លង រយៈពេល៦ឆ្នាំទម្រាំមានកេរ្ដិ៍ឈ្មោះល្បីល្បាញរហូតដល់ពេលនេះ។ *ស្រីនិច៖”លាហើយជីវិតសិល្បៈ ៦ឆ្នាំ នាងខ្ញុំទទួលបានការសើចសប្បាយជាច្រើនហើយមេរៀនក៏រាប់មិនអស់ដែរ”។

យ៉ាងណាមិញជុំវិញរឿងរ៉ាវដើរចេញពីសិល្បភ្លាមៗបែបនេះ តារាសម្ដែងស្រីឆ្នើមរូបនេះបានបង្ហើបប្រាប់ Sabay កាលពីថ្មីៗនេះថា នាងមានភារកិច្ចគ្រប់គ្រងអាជីវកម្ម អចលនទ្រព្យធំមួយត្រូវទទួលបន្តពីអ្នកម្ដាយ មួយវិញទៀតនាងចង់មានពេលសំងំនៅផ្ទះថែទាំខ្លួនឯង ខណៈកូវីដកំពុងផ្ទុះខ្លាំងមិនចង់ចេញទៅណា។

ស្រីនិច៖ បងផ្អាកមួយរយៈពេលសិន ចង់សម្ងំនៅផ្ទះព្រោះកូវីតរៀបចំអីក៏មិនទាន់ចេញដែរ ហើយការ ដែលឈប់ពីសិល្បៈព្រោះចង់ប្រើពេលផ្ទាល់ខ្លួនចេញប្រើគំនិតរកស៊ីខ្លួនឯងម្តង ហើយត្រូវមកបន្ត ការងារអាជីវកម្មដែលត្រូវមានទំនួលខុសត្រូវពីម្តាយបងជាការរកស៊ីអចលនទ្រព្យ។

រម្លឺកផងដែរថាតាំងតែពីចូលសិល្បលើកដំបូងរហូតមកដល់ពេលបច្ចុប្បន្ននេះ ស្រីនិច ក៏សាងប្រជាប្រិយ ភាពតាមរយៈស្នាដៃក្នុងខ្សែភាពយន្ដខ្នាតតូចធំ៥០រឿង មិនតែប៉ុណ្ណោះ ស្រីនិច បានបន្សល់ស្នាដៃក្នុង MV បទចម្រៀងជាច្រើនបទ និងថតស្ប៉តពាណ្ជជិកម្មជាហូហែរផងដែរ៕