ក្រោយដំណឹងចរចារាង LG និង Apple កាលពីខែមិថុនាកន្លងទៅ ពេលនេះលទ្ធផលបានសម្រេចថា នាខែសីហាខាងមុខ បណ្ដាហាង LG Best Shop ទាំង ៤០០ទីតាំង នៅ ប្រទេសកូរ៉េខាងត្បូង នឹងដាក់លក់ផលិតផលរបស់ Apple ដូចជា iPhone, iPad និងនាឡិកា Apple Watch ផងដែរ។ នេះបើយោងទៅតាមរាយការណ៍ពីសារព័ត៌មានក្នុងស្រុក Herald Economic Daily។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ដោយឡែកនៅក្នុងកិច្ចព្រមព្រៀងភាគី LG និង Apple គឺត្រូវបានដកផលិតផលកុំព្យូទ័រ Mac គ្រប់ម៉ូឌែល មិនតម្រូវឱ្យដាក់លក់នោះទេ ត្បិតអី LG ក៏មានផលិតកុំព្យូទ័រផ្ទាល់ខ្លួនសម្រាប់ដាក់លក់ផងដែរ។

ទាំងនេះសបញ្ជាក់ឱ្យឃើញថា Apple មុជចូលកាន់តែជ្រៅលើទឹកដី Samsung ដែលជាកូរ៉េខាងត្បូង។ ប្រាកដណាស់ចង់ឬមិនចង់ វានឹងបង្កការគំរាមកំហែងយ៉ាងខ្លាំងដល់ចំណែកទីផ្សារនៃស្មាតហ្វូនរបស់ Samsung ពីសេសគឺស្មាតហ្វូន 5G ព្រោះអី Apple ជាអ្នកលក់ធំបំផុតនៃទូរសព្ទ 5G ទូទាំងពិភពលោក ខណៈ Samsung គឺស្ថិតនៅលំដាប់ទីបួននៅឡើយទេ៕

ប្រភព៖ macrumors   ប្រែ​សម្រួល៖ កុសល