Rooney សុំទោសគ្រួសារនិងក្លឹប ក្រោយលេចធ្លាយរូបជាមួយស្រីក្មេងនៅសណ្ឋាគារ

2021-07-29 01:51:39
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការរបស់ក្លឹប Derby County លោក Wayne Rooney បានធ្វើការសុំទោសទៅកាន់ក្រុមគ្រួសារនិងក្លឹបរបស់លោក បន្ទាប់ពីរូបភាពរបស់លោកត្រូវបានចែកចាយពេញបណ្ដាញសង្គម។

រូបភាពបានបង្ហាញអតីតជម្រើសជាតិអង់គ្លេសអង្គុយលើកៅអី ដែលមាននារីក្មេងៗ៣នាក់នៅជិតនោះក្នុងសណ្ឋាគារ។ ក្រោយរូបភាពបែកធ្លាយ Rooney ស្នើឲ្យប៉ូលិសស៊ើបលើករណី ដោយគិតថាមានគេប៉ងធ្វើបានខ្លួន។

យ៉ាងណាមិញ ប៉ូលិសបានទម្លាក់រឿងនេះចោល បន្ទាប់ពីរកមិនឃើញបទល្មើសណាមួយកើតឡើងឡើយ។ និយាយប្រាប់ Sky Sport ក្រោយ Derby យកឈ្នះ ១-០ លើ Real Betis ប្រកួតមិត្តភាព Rooney ថា ខ្លួនបានទៅកម្មវិធីជប់លៀងមួយកន្លែងជាមួយមិត្ត២នាក់។ ហើយគេចង់សុំទោសទៅកាន់គ្រួសារនិងក្លឹបចំពោះរូបភាពដែលត្រូវបានល្បីពេញអនឡាញ។ គេចង់បន្តទៅមុខ និងរៀបចំប្រកួតបន្ទាប់នៅថ្ងៃអាទិត្យ៕