ក្រោយ Soojin ចេញពីក្រុម Shin Ae កាន់តែទក់សាច់ខ្លាំងដោយសារ Comment រិះគន់

2021-08-16 02:00:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាក់ទងនឹងព័ត៌មាននៃការចាកចេញពីក្រុម (G)I-DLE របស់ Soojin បង្កជាការសោកស្ដាយជាខ្លាំងពីសំណាក់អ្នកគាំទ្រនៅជុំវិញពិភពលោក។

Soojin

ក្រោយមានការប្រកាសព័ត៌មានពីផលិតកម្ម **Cube** ដោយបានលើកឡើងថា **Soojin** សម្រេចចាកចេញពីក្រុម ហើយអនាគត **(G)I-DLE** ត្រូវបន្តសកម្មភាពការងារតែត្រឹមសមាជិក **៥នាក់** គ្រប់គ្នាដែលជា Fan បានសម្ដែងការខកចិត្ត ដែលមានរឿងបែបនេះកើតឡើង ហើយពេលនេះដែលតារាសម្ដែង **Seo Shin Ae** ដែលជាអ្នកបង្ហើបព័ត៌មានដំបូងថានាងត្រូវបាន **Soojin** និយាយមើលងាយធ្វើបាបនោះ ក៏ត្រូវប្រឈមនឹងពាក្យរិះគន់ដែរ។

Seo Shin Ae

តារាសម្ដែងរូបនេះ បានក្លាយជាគោលដៅនៃការជះកំហឹងពីសំណាក់អ្នកគាំទ្រទាំងអស់របស់ (G)I-DLE ក្រោយលើករឿងផ្ទាល់ខ្លួនមកបង្ហាញ។ ក្រោយមានរឿងដល់ដំណាក់កាលនេះ Instagram របស់ នាងត្រូវរងនូវ Comment រិះគន់យ៉ាងចាស់ដៃ ដោយគ្រប់គ្នាចោទនាងថាជា ដើមហេតុធ្វើឲ្យឆ្នាំងបាយរបស់ Soojin ត្រូវរលាយ។

Comment ក្នុង Instagram របស់ Shin Ae

អ្នកប្រើអ៊ីនធើណិតទាំងនោះបាននិយាយថា Shin Ae ធ្វើបែបនេះគឺចង់បានការចាប់អារម្មណ៍ ខ្លះចង់ឲ្យនាងសុំទោស Soojin ខ្លះនិយាយថានាងជាមិត្តមិនល្អ និងច្រណែនមិត្តខ្លួនឯងជាដើម។

ងាកទៅ YouTube Channel របស់នាងវិញក៏ពេញដោយជោគជាំ ដោយការរិះគន់ដែរ ព្រោះគ្រប់គ្នាពិតជាមិនពេញចិត្តឡើយ នូវអ្វីដែលនាងបានលើកឡើងទាំងមិនមានភស្តុតាង រហូត Soojin សុខចិត្តជ្រើសយកការចេញពីក្រុមជាទីស្រឡាញ់ ដោយមិនសូវមានការជ្រោមជ្រែងខ្លាំងពីផលិតកម្មផងនោះ។

Comment ពីក្រោមវីដេអូលើ YouTube របស់ Shin Ae

យ៉ាងណាក្ដី ក៏នៅមានអ្នកគាំទ្ររបស់ Shin Ae និង មហាជនជនជាតិកូរ៉េមួយចំនួន បានសម្ដែងការគាំទ្រលើកទឹកចិត្តចំពោះនាង ជំនួសដោយការរិះគន់ដែរ ព្រោះការពិតច្បាស់យ៉ាងណាមានតែសាមីខ្លួនសង្ខាងទេដែលដឹង ដូច្នេះមិនអាចកាត់ក្ដីថាយ៉ាងណាបានឡើយ៕

ប្រភព៖ Koreaboo