ឡុង ជិន បើរើសបានអាទិត្យនេះចង់ជួប ឈិត សេរីវណ្ណថង មុនគេព្រោះ...

2021-08-17 07:47:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ដើមកំណើតពីខេត្តព្រៃវែង ឡុង ជិន ថាម៉ារ៉ាតុនអាទិត្យនេះនៅ TOWN បើអាចរើសដៃគូបានគឺចង់ជួបជើងខ្លាំង ឈិត សេរីវណ្ណថង មុនគេព្រោះចង់បំពេញបំណងអ្នកគាំទ្រដែលចង់ឲ្យប៉ះគ្នាកន្លងទៅ។

ឡុង ជិន ពេលឈ្នះខ្សែក្រវាត់ប្រាក់

នេះបើតាមការសម្ភាសរបស់លោក Ricky ជាមួយ ឡុង ជិន សម្រាប់ការប្រកួតនៅសង្វៀន TOWN សប្ដាហ៍នេះគឺគេចង់បំពេញអ្នកគាំទ្រដែលចង់ឲ្យខ្លួនប្រកួតជាមួយ ឈិត សេរីវណ្ណថង ព្រោះប្រកួតល្អមើលហើយចង់ឃើញទៀត។

ឡុង ជិន បន្ថែមទៀតថា រូបគេបានហ្វឹកហាត់ត្រៀម២សប្ដាហ៍ផងដែរ មិនមានឈឺខ្លួនអ្វីនោះទេហើយក្នុងមួយថ្ងៃរត់រហូត ៨-១០គីឡូម៉ែត្រឯណោះ។ អ្នកប្រដាល់មកពីក្លឹបខ្លារខិនរូបនេះក៏អរគុណដល់ស្ថានីយទូរទស្សន៍ TOWN ដែលតែងតែផ្ដល់ឱកាសឲ្យខ្លួនបានលេងម៉ារ៉ាតុនដណ្ដើមប្រាក់លានជាច្រើនដង។

ឈិត សេរីវណ្ណថង ពេលឈ្នះពាន ISI

រំលឹកដែរថា បើតាមការលើកឡើងរបស់ ឡុង ជិន ថ្ងៃអាទិត្យនេះរូបគេនឹងត្រូវប្រកួតម៉ារ៉ាតុនដណ្ដើមប្រាក់លានជាមួយបេក្ខភាព៣រូបទៀតមាន ឈិត សេរីវណ្ណថង វៀត ប៊ុនឌឿន និង វេង សុភ័ក្រ៕

វីដេអូសម្ភាសរបស់លោក Ricky៖

អត្ថបទ៖ នួន ស៊ីណា