កីឡាករ Kinoshita ជាខ្សែបម្រើមិនអាចមើលស្រាលបាន!
- 2021-08-19 03:10:33
- ចំនួនមតិ 0 | ចំនួនចែករំលែក 0
កីឡាករ Kinoshita ជាខ្សែបម្រើមិនអាចមើលស្រាលបាន!
ចន្លោះមិនឃើញ
កីឡាករ Reiya Kinoshita ជាខ្សែបម្រើសញ្ជាតិជប៉ុន ដែលកំពុងប្រកបអាជីពបាល់ទាត់ នៅក្របខ័ណ្ឌលីគកំពូលកម្ពុជាជាមួយក្លឹបគិរីវង់សុខសែនជ័យ។
កីឡាករពាក់លេខ៣១រូបនេះ ជាកូនសោដ៏សំខាន់របស់ក្រុមមាន់គកមានមូលដ្ឋាននៅខេត្តតាកែវ។ សំខាន់ព្រោះគេបានលេងគ្រប់ប្រកួតទាំងអស់ ពោលគឺ៩ប្រកួតបង្ហាញខ្លួនល្អទាំង៩ប្រកួត ក្នុងការប្រកួតប្រជែងដណ្ដើមពានរង្វាន់លីគកំពូលកម្ពុជារដូវកាលឆ្នាំ២០២១។
យោងតាមស្ថិតិប្រភពក្នុងស្រុកដ៏ទុកចិត្តមួយ បានបង្ហាញច្បាស់ថា Kinoshita ជាប់ជម្រើស១១នាក់ដំបូងទាំង៩ប្រកួត ស៊ុតបញ្ចូលទីដោយប្រើជើងស្ដាំក្នុងប្រអប់បាន២គ្រាប់ និងបញ្ជូនបាល់ឱ្យដៃគូទាត់បញ្ចូលទីបាន៤លើក។ នេះសឱ្យឃើញថាកីឡាករជប៉ុនដដែលនេះមានស្ថិតិល្អ។
ទោះបីជាយ៉ាងណា Kinoshita មិនអាចជួយក្រុមឱ្យឈ្នះការប្រកួតច្រើននោះទេគឺឈ្នះ៤ និងចាញ់រហូតដល់ទៅ៥ប្រកួតឯណោះ។ ប្រកួតចុងក្រោយពួកគេឈ្នះក្រុមអគ្គិសនីកម្ពុជា ២-០។ បច្ចុប្បន្នក្លឹបបាល់ទាត់គិរីវង់សុខសែនជ័យ ឈរនៅចំណាត់ថ្នាក់លេខ៨ មាន១២ពិន្ទុក្នុងតារាងចំណាត់ថ្នាក់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
