កប់ហ្មង! Honda CBR150R ស៊េរីថ្មី SUPER SPORT រូបរាងមិនចាញ់ម៉ូតូប្រណាំងក្នុង MotoGP ចេញលក់ជាផ្លូវការ

2021-08-19 04:02:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន អិន ស៊ី អិច ជាក្រុមហ៊ុនតែមួយគត់ដែលទទួលបានសិទ្ធិក្នុងការផលិត និងតំឡើង ម៉ូតូម៉ាកហុងដា និងជាក្រុមហ៊ុនលក់ម៉ូតូឈានមុខគេប្រចាំនៅប្រទេសកម្ពុជា បានដាក់លក់ជាផ្លូវការម៉ូតូចង្កឹះលេខប្រើអំប្រាយ៉ា ស៊េរីថ្មីគឺ NEW HONDA CBR150R រចនាថ្មីទាំងស្រុងក្រោមគំនិតបែប REAL RACER SPIRIT ចាប់ពីថ្ងៃទី១៩ ខែសីហា ឆ្នាំ២០២១ នេះតទៅ។

ម៉ូតូស៊េរីថ្មីនេះ ពិតជាសក្តិសមក្នុងការបំពេញនូវតម្រូវការសម្រាប់អ្នកចង់បង្ហាញនូវស្មារតីជាអ្នកប្រណាំងដ៏រំជើបរំជួល ជាមួយនឹងម៉ាស៊ីន 150cc DOHC 4 VALUE ដែលរឹតតែខ្លាំងលើសពីការរំពឹងទុក។ ចង់ដឹងថា NEW HONDA CBR150R មានអ្វីប្លែក? តោះមកមើលទាំងអស់គ្នា៖

REAL SUPER SPORT DESIGN

ចង្កៀងមុខ LED ជាមួយការរចនាម៉ូដឡើងដ៏មុតស្រួច លេចធ្លោ តាមលក្ខណៈស្តង់ដាតែមួយគត់របស់ HONDA ជាមួយពន្លឺរួមបញ្ចូលគ្នា ភ្លឺច្បាស់ គ្រាប់ស្ថានភាពផ្លូវ ងាយស្រួលក្នុងការបើកបរ។
រចនាម៉ូដបែប DYNAMIC SUPER SPORT យ៉ាងស្រួចស្រាវ ល្អវិសេសគ្រប់ជ្រុងជ្រោយ កាត់បន្ថយកម្លាំងខ្យល់បក់ រក្សាលំនឹងក្នុងពេលបើកបរ។

REAL ULTIMATE PERFORMANCE

ជាមួយនឹងម៉ាស៊ីនកម្លាំង 150cc DOHC 4 តង់ បញ្ចុះកម្ដៅដោយទឹក និងបច្ចេកវិទ្យាបែប RACING របស់ MotoGP កាត់បន្ថយកម្លាំងកកិត ផ្ដល់នូវសន្ទុះ និងល្បឿនលឿនយ៉ាងប្រសើរ ផ្តល់ឲ្យការបើកបរបានល្អឥតខ្ចោះ និងចង្កឹះលេខ 6តង់ កាន់តែធ្វើឲ្យការបើកបរមានភាពរំជើបរំជួលគ្រប់ដងវិថី។
បច្ចេកវិទ្យាដ៏ទំនើប ជួយការពារការកន្ត្រាក់ ឬជាប់កង់ ព្រមទាំងកាត់បន្ថយការរលាស់ខាងក្រោយ ពីការធ្វើការរបស់អាំប្រាយ៉ា ពេលដូរលេខភ្លាមៗហើយប្រ លែងអាំប្រាយ៉ា។

REAL ADVANCED SAFETY

ប្រព័ន្ធហ្វ្រាំង ABS ទំនើប ព្រមទាំងបន្ទះហ្វ្រាំងមុខ និងក្រោយទំហំធំ បែប Wave Disc ជំនួយដល់ការបញ្ឈប់ល្បឿនបានយ៉ាងជឿជាក់គ្រប់កាលៈទេសៈ ។
ប្រព័ន្ធភ្លើង EMERGENCY STOP SIGNAL (ESS) ផ្ដល់ដំណឹងដោយភ្លើងភ្លឹបភ្លែតនៅលើស៊ីញ៉ូមុខ និងក្រោយ ដោយស្វ័យប្រវត្តិ នៅពេលចាប់ហ្វ្រាំងបន្ទាន់ ឬបញ្ឈប់ភ្លាមៗ។