អេលីត ចំរើន ឡើងទៅជុំទី២ បន្តដំណើរទៅរកលុយ១ម៉ឺនដុល្លារទៀតហើយ

2021-08-24 08:34:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ជើងខ្លាំងប្រចាំក្លឹបនាយដ្ឋានអង្គរក្ស អេលីត ចំរើន បន្តដំណើរឡើងទៅជុំទី២ (៨នាក់) ទៀតហើយនៃកម្មវិធីខ្សែក្រវាត់ទម្ងន់ ៥៧គីឡូក្រាមរបស់សង្វៀន PNN បន្ទាប់ពីឈ្នះ ខេម ចាន់ កាលពីថ្ងៃអាទិត្យ ទី២២ សីហា។

អេលីត ចំរើន (ខៀវ)

កូនសិស្សលោក ស៊ន អេលីត ខាងលើនេះបានយកឈ្នះពិន្ទុលើ ខេម ចាន់ ក្រោយបើកឆាកប្រយុទ្ធគ្នាអស់៥ទឹករួចមកកាលពីថ្ងៃអាទិត្យ។ ប៉ុន្តែទម្រាំឈ្នះ ខេម ចាន់ កីឡាករ អេលីត ចំរើន បែកថ្ងាសហួរឈាមពេញមុខដែរ។

អេលីត ចំរើន (ខៀវ)

អ្វីដែលចាប់អារម្មណ៍នោះគឺកម្មវិធីខ្សែក្រវាត់នៅសង្វៀន PNN ដែលមានប្រាក់រង្វាន់ ៤០លានរៀល (១ម៉ឺនដុល្លារ) អេលីត ចំរើន ធ្លាប់យកម្ដងហើយ ខណៈដែលការប្រកួតប្រាក់រង្វាន់ធំៗបែបនេះរូបតែងតែធ្វើបានល្អមិនសូវឲ្យរំលង។ ក្រោយឈ្នះជើងខ្លាំង ឃីម បូរ៉ា ដោយសន្លប់ឥលូវនេះ ចំរើន នៅតែបង្ហាញទម្រង់វ៉ៃល្អ និងក្រសោបជ័យជម្នះ។

អេលីត ចំរើន ឈ្នះ ខេម ចាន់

រំលឹកដែរថា កម្មវិធីខ្សែក្រវាត់របស់ PNN ឥលូវរកឃើញបេក្ខភាព ៧រូបឡើងទៅជុំទី២ហើយ ដោយរង់ចាំមើលការប្រកួតរវាង ធន់ ឡេងឡៃ និង លាភ រដ្ឋា នរណានឹងឈ្នះ១នាក់ទៀតដើម្បីបញ្ចប់វគ្គជម្រុះជុំទី១។ បេក្ខភាព៧នាក់ដែលឡើងទៅនោះរួមមាន ប៊ុន សុធា ឡុង រ៉ាមី បឺត សង្ឃឹម សេក គឹមសាន្ត អ៊ូច ធារិទ្ធ វ៉ាន់ វឿន អេលីត ចំរើន។ ជុំទី២ របស់ អេលីត ចំរើន ប៉ះ វ៉ាន់ វឿន។ រង់ចាំមើល ចំរើន អាចបន្តដំណើរទៅដល់វគ្គផ្ដាច់ព្រ័ត្របានខ្សែក្រវាត់ទៀត ឬយ៉ាងណា៕

វីដេអូប្រកួត៖