មុខងារខលជាសំឡេងនិងវីដេអូ នៅលើកម្មវិធី Messenger នឹងត្រូវបញ្ចូលមកកាន់ កម្មវិធី Facebook ជា main app វិញ នេះបើតាមការប្រកាសពី ក្រុមហ៊ុន Facebook កាលពីដើមសប្ដាហ៍កន្លងទៅ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ការផ្លាស់ប្ដូរនេះ គឺស្ថិតក្នុងដំណាក់កាលសាកល្បងនៅឡើយ ដោយអ្នកប្រើមួយផ្នែកតូចប៉ុណ្ណោះដែលអាចទទួលមុខងារនេះ។

គួរបញ្ជាក់ថា ក្រុមហ៊ុន Facebook បានសម្រេចបំបែកកម្មវិធីរបស់ខ្លួនទៅជាពីរ កាលពី ឆ្នាំ២០១៤ កន្លងទៅ ដោយយើងឃើញមាន កម្មវិធី Messenger នៅដាច់ដោយឡែកពី កម្មវិធី Facebook ប្រើសម្រាប់ឆ្លងឆ្លើយសារ និងខលទៅវិញទៅមកជាវីដេអូ/សំឡេង ផងដែរ។

ជុំវិញការចង់បញ្ចូលមុខងារសំខាន់ពី កម្មវិធី Messenger ឱ្យមកនៅលើ កម្មវិធី Facebook តែមួយ ត្រូវបានសារព័ត៌មាន Bloomberg មើលឃើញ វាជាការដើរថយក្រោយរបស់ នាយកប្រតិបត្តិ Mark Zuckerberg៕

ប្រភព៖ 9to5Mac   ប្រែ​សម្រួល៖ កុសល