ជនជាតិកូរ៉េប្រតិកម្មយ៉ាងណាចំពោះច្បាប់ចិនថ្មី ហាមមិនឲ្យតារាប្រុសមុខមាត់បែបស្រីៗ ចេញមុខលើទូរទស្សន៍

2021-09-06 04:57:27
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើ Wikitree មហាជនអ្នកនិយមលេងអ៊ីនធើណិត ជនជាតិកូរ៉េជាច្រើននាក់ បានពិភាក្សាគ្នាអំពីបញ្ហា នៃគម្រោងត្រៀមចេញច្បាប់ថ្មីរបស់ប្រទេសចិន ទាក់ទងនឹងការហាមប្រាមមិនឲ្យតារាប្រុស បង្ហាញមុខ ក្នុងការរៀបចំខ្លួនបែប Cute ដូចស្រីៗលើទូរទស្សន៍ទេ។

យោងតាមការចេញផ្សាយរបស់ SCMP បានឲ្យដឹងថា ច្បាប់ទម្លាប់ថ្មីនេះ នឹងរឹតបន្តឹងយ៉ាងម៉ឺងម៉ាត់ ចំពោះបទប្បញ្ញត្តិស្ដីពី «Nyangpao» ពាក្យដែលសំដៅដោយបុរសដែលមានសម្រស់ និងអាកប្បកិរិយាដូចស្រី។

ចំពោះដំណឹងនេះ អ្នកនិយមលេងអ៊ីនធើណិតជនជាតិកូរ៉េ កំពុងសម្ដែងការព្រួយបារម្ភ ចំពោះស្តង់ដាររបស់តារាចម្រៀង (Idol) ដោយលើកយកក្រុមខ្លះមកពិភាក្សាដូចជាក្រុម TFBoys ជាដើមដែលសមាជិកសុទ្ធតែជាក្មេងកំលោះៗដែលស្ថិតនៅវ័យជំទង់ និងស្រស់ស្អាតបែប Cute។

ទាក់ទងនឹងករណីនេះមានអ្នកខ្លះយល់ស្របនឹងច្បាប់ថ្មី ស្របពេលខ្លះបង្កើតការមិនអស់ចិត្ត ហើយទាមទាររកយុត្តិធម៌ថា ខុសដែរឬបើគ្រាន់តែរៀបចំខ្លូន ឬមានចរិត Cute ដូចស្រី?

មួយវិញទៀតមិនត្រឹមតែជនជាតិកូរ៉េទេ សូម្បីជនជាតិចិនផ្ទាល់ ខ្លះក៏សម្ដែងការព្រួយបារម្ភដែរ៕

ប្រភព៖ Allkpop